اجود: فيه فيه بس مش توا 😉
الاء قربت على ودن نعيمة وشوشت وناضت
اجود: خيركم شن فيه
نعيمة: اسكت انت كل شئ حاشي ودنك فيها ريح روحك
وفجاء 🔥😳
انطفت كل الاضواء وبدو يغنو لي لندة ولميس
Happy birthday to you
Happy birthday to you
Happy birthday to you
وميرا ومناسك خشو بهديكة التورتة اللي عليهم صورتهم هما ومعاهم امهم 💔
قرب لؤي لي لميس وحضنها: كل سنة واميرتي بألف خير وانشاء الله بطولة عمرك ♥️💋
لميس زادت حضناتة: ربي يخليك ليا يارب 😭😭
لؤي: اششش يمسحلها فدموعا شن قولنا عالدموع هااه 🤨
لميس: به به اسفة 😂
قرب منير لي بناتة وعاطهم هداياهم وعيد عليهمت وبردو بكو
اوس: ياجدي
مبروك: ااانعم
اوس: جدي باللهي عليك حني محتاجين لي تغيرة جو بسيطة هكي يعني فا حني قررنا نمشو يوم لخميس للمزرعة ونزردو فيها
معز :اييي والله فكرة مليحة
درصاف: هيا جدو باللهي عليك وافق
مبروك: به به تمام
_________
لميس وميرا ومناسك وميرال ودرصاف مفرشين في دار التكعميز عند حناهم لوطة ويهدرزو
لميس تقشر فالسمينسا وتهدرز بحماس😹: اييي والله هداكة اليوم لين متت منا قعدة طول اليوم واني راعشة
ميرا: ووووه فكونا من هالسيرة عاد ماليقتو على شن تهدرزو 😒
مناسك نخصت ميرال يلي كانت سرحانة في تاليفوتها وتبتسم: اااشش شن فيه
ميرال رجعت قصتها وراء ودنها وتكلمت: ولا شئ بس نكتة وقريتها 😸
لميس ميرا شبحو لي بعضهم وضحكو ونكزو على ميرال وفكو منها التاليفون: هاك مناسك اقري وحني نشدوها
ميرال: حولو يا دراااه تفووووه
مناسك مشاء الله 😍 اسمعو صدام طلع من ورانة طايح على وجهة في كشخت هالمعفنة هدي يعتيك سم كيف قدرتي طيحيه😱😱😭
لميس: وووي ووووي اقوا حني
ميرال كرشت في يد ميرا وناضت خدت تاليفونها: مبرد ام وجوهكم على يلي يكعمز معاكم خزي
مناسك: غر احكيلي كيف وامتى ومني وين بديتو تتكلمو على حبكم وووووه نبي نعرف بالتفصيل😉😄🙃
ميرال: هي ضمو فامكم زوتوها ره😡
........اصيل طق طقتين عالباب وخش: نقدر نخش
ميرا: ما انت هشيت خلاص مافيش داعي
اصيل: 😒 المهم وحدة منكم تطلع اديرلي سندوتش لاني ميت جوووووع 😩
ميرا: اني بايرة محدش يكلمني ايواااه
اصيل: ولا اني نبيك اديريلي لانك اكيد بتحطي فيه شوية من سمك 😒
ميرا: ولا يهمني اصلا 😌
اصيل: تي النم هيا الزح وحدة منكم تنوض ادير فيا خير اقسم بالله جووووعااان🤦🏼♀️😩
درصاف: به به نايضة ياعن شخاشيرك وانت ديما مشحطني في جراير بطنك تي برا اتجوز اشقا بحالك 😡
اصيل ضربها على ضهرها بخفة: ماليكش علاقة بيا ديري اللي نقولك عليه وضمي فمك🤨
درصاف مشت وهيا تمتم وتكشخ ولحقها اصيل
نزار ينادي من وسط الحوش: ياااااااميراااااا يعطيك مايرفعك تعااااالي
ميرا طلعت تجري: خي خييييرك
نزار: هاك شدي تسمسمي 😑
ميرا: وووووووه قصدك لاااااااععععع مشمصدقة ياخيا نجيه ولد عمي 😍😍تي انت احسن واحد في الدنيا بعدي😹🤦🏼♀️ وخشت للدار تنقز
