شقاوة بنات

💞الفصل الثالث والثلاثون (كشف اسرار قديمة)💞

وقفنا المرة اللي فاتت لما الكل بارك لي مصطفي
و ماهر ومالك نزلوا المكتب
ومالك اخد المذكرات بتاعة مرفت اللي لقاها وخباها
وطلع بيها الاوضة
*************
مالك بعد ما طلع الاوضة فتح المذكرات وقرأت المكتوب جواها وكان فيها
بسم الله الرحمن الرحيم
أنا مرفت الحديدي زوجة رأفت المنياوي
انسانة عادية خالص حكايتي بدأت مع رأفت وقت ما
شفني مع منال مرات ماهر اخو رأفت في الجامعة
ومن وقتها اعجب بيا وحاول يتقرب مني لكن كان
ديما مهران يقف في طريقه
مهران دا بقا ابن عمي شيطان بمعني الكلمة كان مهوس بيها مش حبا فيا لا لكن لانه شخصية مريضة ومتملكه وكان فكرني من أملاك العيلة اللي هيورثها لكن أنا مكنتش بطيقه
والصراحة منكرش اني كنت معجبه برأفت وقتها
بس مهران مكنش عجبه دا ودا لانه مش بس كان شايف ان أنا من أملاك العيلة اللي من حقه لا وكمان كان عايز يأخد ميراثي ويضمه لي ميراثه
كان ديما يتعرضلي ويديقني
وفي مرة وانا في الجامعة منال عزمتني اقضي اليوم معها منكرش اني فرحت لاني هشوف
رأفت لكن بعدها ندمت
بسبب اللي حصل وهو أن لما روحت مع منال مكنتش اعرف ان مهران ورانا
واول ما وصلت معاها وطلعت كان ماهر ورأفت فاستقبلنا وسلمت عليهم بس مجرد ما سلمت علي رأفت حسيت احساس غريب اول مرة احسه لكن فرحتي مكملتش لان لقيت ايد مهران بتشيل ايدي من ايد رأفت وبيقول
انت ازي تسلم علي خطبتي أنا من الصدمة مكنتش
عارفة ارد ونظر رأفت ليا كنت عبارة عن نظرة تساؤل
هو الكلام دا صح ؟؟
معرفش ازي وقتها جبت القوة وزقيت مهران وقلت خبطك قطر يا بعيد أنا مش خطبتك ولا حاجة انت شارب ايه انت اتجننت رغم اني كنت
بخاف منه لأن مجنون في رد فعله ولقيت رأفت بيبصلي وفي عينيه فرحة كأنه بيقولي شكرا بجد انك ادتيني الامل ان ممكن اقرب منك
ولقيت رأفت مسكه واتخانق معها
وكنت اول مرة اندهله باسمه واقوله رأفت سيبه
وقتها رأفت ساب كل حاجة من ايده وبصلي كانه بيقولي انتي قلتي ايه
ومهران كان متغاظ مني وقال انتي بنت عمي وهتبقي خطبتي أنا اسكت ابدااااا قلتله دا في
احلامك
لقيت منال بيتقوله دا انت احلامك وسعة بشكل
علي فكرة رأفت هيخطبها وبيحبها
في الوقت دا انا اتصدمت كأين حد جاب جرد مياه ساقعة وكبه علي دماغي وبرقت وتنحت
ورأفت نفسه برق لي منال
اما مهران كان عبارة عن كتلة نار كان لساله شوية
ويطلع نار من بوقه 😂
لقيت ماهر أكد علي كلام منال وقال هو كمان أن رأفت هيخطب مرفت الجمعة الجاية وان كان عندك اعتراض ادي حيطه وادي التانية اوعي شوية كد وادي التالتة نقي اللي تحبها واخبط رأسك فيها
كل دا وانا متنحه مش عارفة ايه اللي بيحصل
دا جد وله خيال
لقيت منال بتقولي تعالي معايا جواه يا مرفت وشدتي دخلتني
ودا طير باقي العقل اللي كان لسه في مهران كان كل هامه ازي حاجة من حقه تروح لغيره وميراث العيلة يطلع بره وقتها كان زي الطور الهايج وحاول يدخل ليا يجبني لكن ماهر ورأفت منعه وطرده بره
وبعدها دخلوا ليا أنا ومنال
منال ها هتعملوا ايه
ماهر هيعملوا ايه ما خلاص رأفت ادبس
لقيت رأفت بيبص ليا وقال احلي تدبيسه اقسم بالله
أنا اصلا كنت معجب بيها من الاول وكنت عايز اكلمها لا معجب ايه انا بحبها حب من اول نظرة من يوم ما شفتها معاكي يا منال في الجامعة
وكل دا قدامي بعد ما كنت لوح تلج بقيت نار من الكسوف وحمرا
منال قالت لي رأفت ايه خدمة بس عد الجمايل ها ولقيت رأفت بيسألني عن رأي بس انا مكنتش عارفة اتكلم ولا احط منطق
لقيت منال ردت وقالت يعني البت بقت طماطم قدامك مش كفاية يا جدع بتحبك والله العظيم بتحبك
انا مكنتش عارفة ارد بس لقيت رأفت شدني واخدني معاه البلكونة واتكلم معايا وخرجنا
بنضحك واتفقنا علي كل حاجة ودا طبعا لان اهلي كانوا متوفين ومليش حد غير جدتي اللي قعدة معاها
ومهران اللي ديما يجي يغلس عليا وياخد كل الفلوس اللي معايا ومع جدتي ودا لان الميراث ممنوع استلمه إلا لما اتجوز
الوصية بتقول كد اللي ولدي سبها لكن كان عامل حساب مصريفي وعاملي وديعة في البنك ومينفعش افكها بس اخد اللي بيطلعلي منها كل شهر
وخالصت اليوم مع منال
وماهر ورأفت ومنال نزلوا معايا يوصلوني كلهم علشان يتكلموا مع جدتي في كل حاجة وفعلا دا حصل وجدتي رحبت بيهم ووفقت
واتفقوا أن الخطوبة يوم الجمعة علي كلام ماهر اخو رأفت
لكن مهران ما سكتش بعد ما مشيوا طلع
عندي انا وجدتي وقعدة يهدد جدتي أنها متوفقش وحاول كمان يعتدي عليا قدام جدتي ولأن جدتي كنت كبيرة في السن ومش بتتحرك مسكت التلفون ورنت علي رأفت وكانوا لسه مش بعيد وأجا لحقني في الوقت المناسب من مهران وادله علقة لكن جدتي مقدرتش تستحمل اللي حصلي قدمها ومع الأسف جتلها سكته قلبيه وماتت في وقتها
وخدنها المستشفي لكن كان الحق اخد حقه والروح طلعت للي خلقها
وقتها أنا انهرت لان مكنتش ليا حد غيرها وماتت بسبب الحيوان مهران الشيطان اللي سود حياتي من يوم موت اهلي
لقيت منال بتقولي انت مش لوحدك وطبطبت عليا وخداني في حضنها ورأفت وقتها قرر أن الجمعة مش خطوبه بس لا
خطوبة وكتب كتاب والفرح بعدها بشهر وفعلا خلصنا تقرير الدفن ودفنا جدتي وكنت وقتها منهارة تماما لكن
منال ورأفت مسبونيش وعملنا الخطوبة وكتب الكتاب
لكن مش بالفرحة اللي كنت هعملها بيها وقعد مع منال وعيلتها واللي هما ماهر ورأفت وابنها مالك اللي ديما كان بيهون عليا اللي بحسه وكان مش زي اي طفل لا بالعكس
كان تحسوه راجل ومتحمل المسؤلية وبقيت اروح مع منال الكلية