#شرط_الحب ♥️
" الشرط الاول و الاخير ف الحب ، انك ماتحطش شروط ف الانسان الي تحبه " ♥️
" كانت أغبى شخص ممكن نشوفه في حياتي ، شكلها اقل من عادي ، مش لابسه اغلى الماركات مش انيقه مش حاطه و لا شي ع وجها مافيهش ذره انوثه مكانتش من نوعي المفضل لاني نحب البنت الذكيه الي تهتم بنفسها و انوثتها و جمالها نحب البنت المثقفه لكن هذي أسرتني أسرت قلبي و تربعت عليه مع انها ماتملكش و لا شرط من شروط بنت أحلامي ، لما شفتها آمنت ان مش شرط انها تكون احلا بنت المهم انها تكون انقى و اصدق من الزمن الي نحن فيه ♥️ "
" كنت نفس الناس و اقل منهم عاديه و اقل من عاديه لكن هوا شافني غيرهم مشافنيش بعيونه شافني بقلبه ، حب فيا كل شي انا نكره النقص الي نكرهه في روحي هوا شاف روحه بيه ، اثبتلي ان الحب هوا ان نحبو كل شي ف الشخص الي حبيناه بعيوبه بكل ، محاولش يخليني نصحح من عيوبي بلعكس حب عيوبي ، لان الحب بلا شروط الحب بالقلب مش بالعين ♥️ "
------------------------------------------
"
كنت في اجتماع و فجأه بدون مقدمات تخش بنت او بالاصح مخلوق غريب مابين بنت و عيل ، لابسه دبش عويل و قاصه شعرها قصير ، قعدت انبحت فيها وانا مصدوم كيف تجرأت و خشت اصلا
مرام : ووه الحمدلله ان المدير مزال ماشرف ، حكت شعرها وهيا تشوفلهم باين عليكم انكم اجانب و ماتفهموش في كلامي و الحمدلله الي مافهمتو ، نقعد ساعه و انا نفهم فيكم كلمه شرف ، اصلا انا بروحي مانعرفش نحكي اجنبي و مانبيش انتعلمها لغتي و يالله نفهمها المهم ...
ميه كلمه ف الثانيه و بدون حتى ماتاخذ نفس لحد ماقطعها طاهر
طاهر : Oh yah , اعتقد ان كلمه شرف مزال ماجاء
صالح : No No , مزال ما جاء محترمه انما مزال ماشرف فيها اهانه
طاهر : ضرب يد صالح ، yas صح كلامك يا الاجنبي
مسكت ضحكتي بصعوبه ع منظرها وهيا مصدومه من كلام طاهر و صالح الي يضحكو عليها و فمها بيوصل للارض من صدمتها ، حاولت اطلع صوتها بقدر الامكان وهيا تضرب ع راسها
مرام : ماتقولش ان المدير هنا
سراج : ابتسمت بخبث رفعت يدي و شيرتلها 👋
مـــــــــرام....
عمي احمد صاحب بابا قالي حيشغلني عندهم ف الشكره بحكم ان بابا مقعد و انا البنت الوحيده ، مشيت ع ساس اني حنشتغل في تنظيف او شي من هكي لان عندي شهاده ثانويه و بس و ف نهايه هيا شركه في ليبيا شن بتكون يعني ؟ ، انصدمت بكبر المبنى و لا في احلامي نشوفه ريت ليبيا مايطلع منها اول جمله جت ع لساني 😂 ، خشيت جوا و يقولولي اني حنقعد سكرتيرت المدير لحظه بس شن معنى سكرتيره من الاساس ؟ ،
الموظفه : المدير حيعطيك مهام و جدول مواعيده و بالاصح هوا الي حيعطيك الي عليك ، ف الدور الثالث اول دار ع يدك اليمين بس توا..
