اللهم صلـى وسلم على نبينا محمد
صـلى الله عليـه وسٰـلم
بسـم اللـ ـه الرٰحمن الرحيـٰم
__________
________
دعيتك بـ كل الوسايّل ولا أوحيت
ماتت مشاعر واقفه عند بابك
ٰ
ضامي و تضميني ولا جيت أرويت
إلى متى و أنا ألاحق سرابك ؟
إن جيتني بين المعاليق لك بيت
و كل الضلوع تقول يا مَرحبا بك
و إن رحت منّي يا وليفي و صدّيت
فمان ربي . . لو كسرني غيابك :)
________
________
يــوم جـديــد'''بالشـركـةة"
جت تمشي متـاخره شافت الاصنصير بيقفل راحت تركض دخلت على اخر لحظه وعلى حظها المصعد كان فيه فهـد وعبدالعزيز وعبدالله وابو عبدالله كانت حاطه يدها على ركبها وتتنفس بسرعه قاطع تنفسها يد مدت لها مويه رفعت راسها لقت عبدالله مبتسم وماد لها مويـه ؛: هد هد ترا ماحصل الا كل خير
نجلاء. بابتسامه توتر اخذت المويه ووقفت : خفت خفت اه خفت يروح علي اول يوم او اسجل تاخير
ابو عبدالله بحنيه : اجل انت نواف الموظف الجديد
عبدالله بابتسامه: نسيت اعرفك يا نواف على الوالد مدير الشركه
نجلاء بحب سلمت على راسه : الشرف لي اني اتعرف عليك طال عمرك
ابو عبدالله بموده: لا تناديني بطال عمرك نادني بعمك بحسبت ابوك
نجلاء تغيرت نبرة صوتها: تستاهل من يشبهك بالابو
ابو عبداللله لاحظ النبره بس عداها: تستاهل الطيب
فهد يصفر : عزوز شكل كروتنا احترقت
عبدالعزيز يناضره بطرف عين: انا بديت اغار من نواف اخذ كل الحب
انفتح الاصنصير وفهد وعبدالعزيز راحو للمكتب الجديد حق مدير الماليه االي هونجلاء يعلمونها الشغل واساسياته
في مكتب ابو عبدالله : احس انه على نياته
ماجد زفر بقوه: نفس الاحساس والله
مـاجد وقف : اجل انا اعتذر عندي احتماع مع المندوب الاسترالي
الاب بحنيه: موفق ياعين ابوي بس خل احمد يجيب لي ملفات الصفقه الاخيره ويجيب لي جدول مفصل عن البورصه
ماجد سلم على راس ابوه: ابشــر
وطـلع راح لاسكرتير احمد ومن ثم راح لمكتبه
________'
________'
فــي مكــتب بطـلـتنا!
جـالسه وتكتب الحسابات وقد ماتقدر تحاول تخليها متطابقه توها باديه شغل جديد وماتبي مال حرام
طق الباب وماسمعت دخل وابتسم لشغفها للشغل وحط كوب كوفي على المكتب لاحضته ورفعت راسها وابتسمت لابتسامته
وقفت بسرعه وطاحت الحاسبه والاستكرات والاقلام من حظنها
نزلت راسها تشوف الي طاح ورفعته وشافته بيضحك انفجرو ضحك مع بعض لاحظ ضحكتها الانثويه سكت بصدمه
وهي كملت ضحك حست انها جابت العيد وتنحنحت : اعذرني استاذه حياك تفضل
رد عليها عبدالله بسرعه هائله:: زاد فضلك بس جيت اتطمن على الشغل معاك واطلع كيفه معك
نجلاء : الحمدلله الشغل فيه صعوبه بس سهل باذن الله
عبدالله بابتسامه وهو يربت على كتفه: موفق يابطل خل املك بالله كبير " الله معك" كافلَ أمرك، و مُيسر طريقك، و كاشِف ظُلمتك استعن بهِ و لاتعجز توكل عليه ولن تضل ! يأويك.. رحمٰنٌ رحيم، يكفيك و يسددك.وينير دربك
رفعت راسها نجلاء وهي فيها الصيحه وببحه: ججزاك الله خير اسعدتني بنصيحتك
عبداللع رفع كتوفه بعفويه : ماعندنا مانع نعطيك نصائح صباحيه
ضحكو مع بعض وجلسو يدردشون خمس دقايق واستاذن عبداللع وطلع ونجلاء رجعت تكمل شغلها وهي فرحه بما قاله لها ماجد من كلمات تفائل
ونتذكر دائما ياعزائي القراءء
[من وثق بالله أغناه ومن توكّل عليه كفاه]
........
الصبر زيـن وراعـي الصبـر ماجور
ولابــد لليـــل الظـليـم انبــلاجه
لـولا عـزايـمنــا لهـا فــالـزمـن دور
ما شفت واحدنا تنهّـض حجاجه
اضحك وخلّك دايـم الدوم مسرور
محدٍ يبا ياخـذ من الـوقت حاجه
ما قِدمك الا بيـت فالقـاع محفور
ثم عقبـها بتـواجـه اللـي تواجه
.......
.......
البارت الثالثث ولله الحمد انتهى
لاتحرمونا من الفوت والتعليقات سواء كانت ايجابيه ام سلبيه
كونو ذراعي اليمنا لتخطي مصاعب الكتابه اعذروني على اي خطاء بدر مني وان شاء الله التعويض بالبارت الجاي
