««««««««« أنا الطوفان »»»»»»»»»»
الحلقة الأولى
ذات ليله معتمه يسودها الظلام توجد هذه السيدة البالغة من عمرها الأربعين تختبى خلف الأشجار محتضنه طفلين بالكاد يبلغان العشر سنوات
تنظر السيدة بعيدا بإتجاه ما لترتعب وتنزف من عينها للدموع ويملك جسدها رعشه تحاول ان تكتم صرخات الطفلين ولكنها غير قادرة على إغلاق عينهما مما يراه
كيف لطفلين بهذا العمر يروا أباهم يذبح امامهم ويدفن بحديقة قصرهم الكبير غير قادرين على إنقاذه فأمهم تحتضنهم بشده ظلوا يصرخوا بصوت مكتوم الى ان اسكتتهم تلك الكلمات من مجهول ما
«««««««««««««
الليله نتخلص من الطفلين بأى طريقة وندفنهم جنب ابوهم يسلوه
«««««««««««««««««««««««««««««
بس يامنصور دول ولاد أخوك وكمان لسه أطفال ازاى هتتخلص منهم منصور وسارة ما لهمش ذنب ازاى هتذبح منصور بن أخوك وانت متعلق بيه دا انت ال سميته على اسمك
وسارة انت عارف ان مالك ابنك متعلق بيها حرام يامنصور مهما كان دوول توأم وصغار
إيه بس ال غيرك ياصحبى
««««««««««««« ✍️إيمان المهدى »»»»»»»»»»»»»»
منصور تعرف تسمعنى سكوتك انت متعرفش حاجة
نفذ ال قولتلك عليه حالا من غير أسئله كتير
طيب ما تنفذ انت ال عايزه بنفسك زى ما عملت ف أخوك أعمل ف اولاده
كان لازم أنا ال اذبحه بإيده عشان أبرد نارى
لاكن منصور وسارة. وسكت قليلا واكمل بصوت ضعيف
دى مهتمك انت واطلب ال انت عايزه وانا انفذه
الشخص بشر موافق وطلبى هقولك عليه بعدين
منصور أنا همشى أروح فرح ولاد توفيق بن عمى أرجع أنا وبقيت العيله الآقى كل شئ منتهى
تمام بس فيه مشكله الست هدى هتعمل معاها
نفس ال عمله ممدوح الشيمى فيا وف عيلتى هعمله معاها وكما تدين تدان
والله مبقتش فاهم حاجة وايه ال ممدوح عمله عشان يستحق الذبح
اخفى من وشى ونفذ ال قولتلك عليه وهدى تجيبهالى ف ......
حاضر أقل من ساعتين كله هيبقى تمام بس ماتنساش وعدك ليا
«««‹«««««««««««««««
هدى بصوت منخفض ولادى لأ يامنصور ولادى والله لأنتقم منك على عملته ف ممدوح أنا لازم أحمى ولادى منك ..... تكمل. سارة منصور اسمعونى كويس ولازم تفهموا ال هقولكم عليه
هتخرجوا دلوقتى من البوابه ال ورا انتم عارفين بيت الحاجة زينب صح
سارة أه ياماما
هتاخدى اخوكى وتروحى عندها قوليلها ماما بتقولك جه الوقت لتنفيذ الطلب ال قالتلك عليه ولازم تنفيذه الليله واوعى تنسى أنك وعدتى أمى ووعد الحر دين عليه
سارة ببكاء وانتى يا ماما هسيبك هنا لوحدك تعالى معانا
هدى اسمعى الكلام يا سارة لازم تمشى دلوقتى على طول وخالى بالك من نفسك ومن اخوكى وال تقولك عليه الحاجة زينب يتنفذ واياكى ترجعى هنا ولا تلتفتى وراكى غير لما يجى الوقت المناسب
سارة امتى ياماما الوقت دا
هدى. انت هتعرفى لوحدك.
سارة. ماما طيب مالك هسيبه وامشى
هدى بعصبيه لسه بتقولى مالك مشفتيش ابوه عمل ايه
امشى يابنتى اهربى اخرجى من بحر الدم ال هتشوفيه هنا واوعدينى ان هيجى اليوم ال تبقى فيه انتى ومنصور طوفان ينزل يغرق البلد بالدم ويندم كل واحد
اشترك ف موت ابوكى وفرق شملنا
تحتضن هدى سارة ومنصور والقهر يملأ قلبها على فراقهم فى ليله واحدة ذبح زوجها امام عينيها فرقتها الظروف عن اولادها والآن تقف منتظرة مصيرها المحتوم اما أن تقتل منصور او يقتلها هو
تخرج الطفله الصغيرة هاربه من الباب الخلفى لقصر عائلة الشيمى متخفيه هي وتوأمها منصور الذى لم ينطق بكلمه منذ رأى أبوه يذبح على يد عمه
سارة ببكاء صوت ضعيف بسرعة يامنصور امشى
دقائق بسيطه وكانت تطرق باب هذا البيت البسيط
لتفتح السيدة لتتفاجئ بالطفلين
حبايبى سارة منصور فى ايه
سارة وهى ترتجف ماما بتقولك لازم تنفذى وعدك ليها الليلة
ياولادى ليه بس كدا يارب يبقى حصل ال امكم كانت خايفة منه
سارة دخلينى ياخاله أنا وأخويا لا حد يشوفنا
زينب لا ياسارة تدخلى فين انتم مش لازم تباتوا ف البلد الشوم ولا ليله يالا يابنتى هاتى اخوكى وتعالى
وتخرج الحاجة زينب هاربه بالطفلين الى مكان لا يعلمه غير الله
سارة احنا رايحين فين ياخاله
هتعرفى ياسارة أول ما نوصل والشنطة دى فيها حاجات أمك سيبتهالكم معايا من يومين أول ما نوصل المكان ال رايحونه هتاخديها. وفيه كلمه امك قالتلى اقولها. إياكى تنسى ال الشخص ال ظلمكم وشتت شملكم لازم تشبهى الطوفان ال يخاف اى شخص يقف مقابل ليه
تنظر سارة لها وف نفسها (أنا طوفان يعنى أنا هقف قصاد مالك واخته وعمى واهلى وقريتى يعنى أنا هبقى عاصفة ، طوفان ، اى طوفان أنا. كيف سأكون لأهلى طوفان من الدم ) أنا سارة الشيمى العاصفة القادمة طوفان الدم الذى سينسف كل اخضر ويابس
نلتقى الحلقة القادمة (الجمعة)
واحداث جديدة مع الشاب الوسيم
مالك الشيمى
أنت تقرأ
أنا والطوفان
General Fictionاطفال صغار يروا اباهم يذبح أمام أعينهم على يد عمهم .. كيف سيتحولوا (أنا سارة الشيمى أنا العاصفة. طوفان الدم الذى سينسف كل أخضر ويابس لن يتجرأ احدا على الوقوف امامى حتى وان كان رفيق الصغر حبيب العمر امنية طفولتي مالك ابن عمى )
