،،سبايكر 1700،،

فأنـزل الله تبارك وتعالى في القرآن "وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ"

"انه شاهد عالقضية "

جان يوم بلا هوه
وبلا هويه!!
كلشي بي مبهم مخيف
هوسه واصوات و.......
تاهت الحسبه عليه ؟
هيج ساعه وصوت اجانه!
"كلشي ذبو ؛!!!!!"
اهدومك سلاحك نطاقك
شيلة "امك"تعب "ابوك"
""قاط عرسك ""

،،الزفه والجكليت هلهوله خواتك ،،
اكماط ابنك كلشي ذبو،،

وامشو بدروب المنيه
وصدك كل احنا مشينا
ولتوابيت بسمانه
فوك ونباوع عليها
ماعرفنه شكد عددهه

*"يمكن 1700""

يوم نمشي،،
اسبوع نمشي،،
سنين نمشي،،

بديره مابيها محنه
اوجوه موش اوجوه اهلنا
عيون موت تباوع النه
الكاع تكرهنه السمه الحيطان
والبيبان واوجوه الشوارب
والمأذن واليأذن
حتى صوت ،،الله اكبر،،
حتى هذا اله‍وه يضدنه
بس شسوي بصدري ريه
جنه نتنفس تقيه
هيج ساعه ومانحس
الا السمه نطبكت علينه
اهدوم سود
اعلام سود
اوجوه سود
اكلوب سود
چلاب سود
كل جهات تحيط بينه

قسمونه 500....500...500..500
وهاي احنه شهداء بقيه........

،،سبايكر1700،،

13/6/2023