@-AyaMohamad18-
أنا جيت
بجد وحشتونى جدا الفترة ال فاتت، و زى ما احنا عارفين انا بصلح فى رواية مرة أخرى فحاليا هيتم تنزيل بارتين كل أسبوع و فى بعض التغيرات البسيطة خالص، و أتمنى تعجبكم بجد متحمسة ل رأيكم ل النسخة الجديدة، و ميرسي جدا لكل ال دعمنى و استنى الرواية الفترة ال فاتت.
سلام ✨
أتنشن بليز ✨✨
أولاً عيد مبارك عليكم بمناسبة قدم عيد الأضحى، أعاده الله عليكم بالخير و البركة ✨
ثانيا بقا لكل ال بيقرأ الرواية، ف الرواية مبقتش موجودة على الواتباد، دا مش معناه إنِ هوقفها لاء طبعاً، بس أنا اضبطها الأولو بعد كدا هنشرها فصل فصل تانى، حرفيا أخر بارت نزل التفاعل عليه كان تقريبا معدوم مفيش أى تفاعل على الرواية نهائى و دى حاجة محبطة جدا، ف لاحظت إن الفصول الأولى متقرأش فعلا ، فصحى على عامية حاجة كدا استغفر الله العظيم، ف أنا أضبطها فصل فصل و هنزلها تقريبا فصل او اتنين لسا مش عارفة تبع ما أخلص ضبطهم، ف أنا بعتذر جدا ل منتظرين الفصل الجديد لأنه هيتأخر شوية و أحسن لو تقرأو النسخة الجديدة فى نقط كتير هتكون اوضح و أحسن و أنا مش هطول فى نزولها إن شاء الله ✨
ثالثا حابة أشكر كل من قرأها و عجبته و دعمنى فيها، بجد ميرسي ليكم و لكل تعلقاتكم الجميلة على الرواية ✨
أتمنى تكونوا فهمتوا سبب ال انا عملته و أنا وضحت كل وجهة نظرى من مسحي ل الرواية ✨
وبس كدا اتمنى تكونوا بخير ♡سلام ✨
لأجل أننا مُسلمون،
وتعظيم شعائرِ الله فريضة
عيدُكم مُبارك، وكل عامٍ وأنتم بخير .❤️
اتنشن يا شباب✨
عاملين ايه اتمنى تكونوا بخير
اولا رمضان كريم عليكم ✨و كل سنه و انتو طيبين بمناسبة العيد و ينعاد عليكم بالصحه و السلامه يارب
✨
حابة اقولكم ان البارت الجديد بيكتب و هينزل ان شاء الله بعد الفطار بشوية مستنية رأيكم عليه و الاحداث الجاية ضرب نار و و اتمنى البارت يعجبكم
ازيكم يا حلوين عاملين ايه ❤❤
بجد حابة اشكركم و احد واحد على دعمكم و تعليقاتكم على الرواية وانها بتكبر يوم عن يوم بقت 500 مشاهدة بجد انا مش مصدقة انها كبرت كدا وبجد انا فرحانه بيكم و بالرواية اوى و ان شاء الله ال جاى هيكون اجمد من كدا
تانى حاجه حابة اعرف رأكم عن اول 4 فصول فى الرواية بما ان الفصحى بتاعهم مش مظبوط اوى و فى كلام كتير عامية لو حابين اكتبهم تانى بما انهم و اجهة الرواية وكدا ولا اسبهم و اهتم اكتر فى الفصول الجديدة حابة اعرف رأيكم ❤❤❤
وبس كدا سلام ✨
ازيكم يا حلوين ❤عاملين ايه
حبيت اقولكم انى هنزل نوفيلا جديده مش روايه يعنى مش احداث كتير و كدا هى هتكون قصيره مش طويله، و دا نوع جديد اول مره اكتب هى كامله لو حبيتوا انزلها كل يوم فصل او تنزل كلها على بعض عادى ف رأيكم ايه حابه اشوف رأيكم فى التعليقات.
تانى حاجه ياريت لو تتفعلوا مع الروايه شويه لان بجد مفيش أى تفاعل خالص عليها وحقيقي دا بيأثر فيا جدا فياريت تتفاعلوا وتعملوا فوت وكومنت وتبعتوها ل أصحابكم وكدا
نرجع بقا ل موضوعنا الاساسى زى ما قولت قبل كدا النوفيلا كامله وبسيطه، احداثها خفيفه و أثرت فيا انا شخصيا و انا بكتبها ف استنوا التحديث الجاى هيكون من النوفيلا ان شاء الله
وبس كدا
سلام يا حلوين ❤
ازيكم يا حلوين عاملين ايه ❤
فى حاليا بارت جديد نزل فى الرواية اتمنى بجد يكون فيه تفاعل عليه وميكنش زى ال قبله لانى فعلا تعبت فيه جامد و مكنشوفيه اى تفاعل ابدا و برغم كدا نزلت بارت جديد الوقتى انا مش مش طالبه تفاعل كبير او حاجه انا طالبه اهتمام و تقدير شويه ل الروايه لانى سعات كتير بفكر اما بكتب ليه طالما مفيش تفاعل او أى حاجه تشجعنى انى اكتب ف ياريت يكون فيه تفاعل شويه و انا اوعدكم انى هحاول انزل البارت غى اقرب وقت وبس جدا سلام ❤❤
السلام عليكم ✨
أظن ان العطل اتصلح وانا هعيد نشر الروايه من تانى النهارده
ان شاء الله البارت الجديد هينزل يوم الخميس الجاى بأذن الله وهتكون فى احداث وشخصيات جديده اتمنى يعجبكم ✨
السلام عليكم انا حبيت اعرفكم انى هأرشف الروايه بسبب تحديثات الواتباد وان الروايه مش مكتمله ولا مترتبه عند ناس كتير
وانا ان شاء الله اول ما التطبيق يرجع تانى هنشرها تانى بأذن الله ✨
انا إن شاء الله هبدأ اكتب روايه ودي هتكون اول روايه ليا بتمني بجد تعبكم ويعجبكم اسلوب السرد هنزل منها ان شاء الله الفصل الاول وتعريف الشخصيات علي الساعه 10كدا ويارب تعجبكم وبس كدا
سلام...