ჯეიმს, იცი რა არის მარტოობა? გამოგიცდია სრული სიცარიელე სულში? არც სევდა, არც ბედნიერება, არაფერი, თითქოს, სახლში შეაბიჯე რომელიც სიცარიელით არის სავსე. სრული აგონია. სახლი სიჩუმეს დაუყრუებია და ბედის ანაბარა დაუტოვებია ყველა გრძნობა. იცი რას ნიშნავს ეს, ჯეიმს? ეს ნიშნავს რომ შენ ცარიელი ხარ. მელანქოლიურ კომაში გამომწყვდეული არაფერს ლამობ. თითქოს, არც სევდა გმართავს, არც რაიმე სხვა გრძნობა. არსაიდან მომავალი სიჩუმე შენში ბუდდება და ყველაფერს გართმევს, გიტოვებს მხოლოდ სიცარიელეს...ბნელ, შემზარავ "არაფერს" რომელიც შემდეგ მტკივნეულ სიჩუმედ იქცევა.
