Ir_1_aq
إشعَار.تحذفها.أحظـِرك.lu
مني وبيه چانو طينتي و دمي
من چانت الخنگه تهون من ينجاب طاريهم
من چانت أذا ضاعت ونستي تضوّي أساميهم
من چنت أدري كومه وجوه غير وجوههم تسوه
بس ظليت أداريهم
چنت وياهم و بيهم
چنت متونّس بروحي
وحرگت بروحي بس حسيت
خيط برودة مر بيهم
أعز من روحي شنطيهم ؟
الما صارو گبالي
بأصعب فترة من عمري
عليمن مستعز بيهم ؟
Ir_1_aq
هيج چنك
گمره وعيون النجوم يغازلنك
هيج چنك
مطره وعيون السنابل ينطرنك
شحچي عنك
سالفه
گون السوالف يوسعنك
ياعطر شمه الورد وتناسه روحه
وراح ينشد ياورد إلي حونك
وماحونك
Ir_1_aq
لكل الأحبة الراحلين عنا بغير وداع
تانيت الفرج ينزل يالأحباب
ورشيت الدرب حد عتبة الباب
أدگ من گلبي گهوه وأعصر أجروح
وفناجيني بدمع يغسلهه المصاب
يصح غايب يجي وتتلاگه الوجوه
حته بطيف ما يلفوني غيّاب
أبره وخيط أشل بفتوگ الأيام
بس صعبت عليه وظني هالخاب
أعاتب بالوكت والوكت غدّار
ويا غدّار بيه ايمت العتاب
شما انفخ وأطفي جمرة النار
غشيم وما دريت الجمر لهّاب
على صدري تعدّت حسره وآلاف
أتحسّر ومنّي أيضيع الحساب
يمته وجوهكم تذكرنه وتعود
ونسولف ضحكه موش بدمع سچاب
كل غايب نگول وعذره ويّاه
يا گلبي اليموت بيا عذر غاب
ألمن گال رايح بعد ما عود
وعدمن يا گلب خلاّلك أجواب
Ir_1_aq
وين جنتي؟
وليش متأخره علي كل هالسنين؟
وليش ماطيفج اجه او فزز صفنتي؟
وين جنتي؟
كبل تسع سنين مريتي اعله عيني وما وكفتي
ليش من دك الجرس ما صارن عيونج فرصتي؟
ليش
ليش يا اول درس يفترض كنتي؟
ليش من كف العمر هساع ضهرتي؟
وين جنتي؟
