-Vallery

What a shame

@Dust_Melody 
            I hope everyting  is better now
            

لا اعتراض على حكم الله لما كنا بالانتظار لموعد صوره الطبقي المحوري لقينا ام عم تبكي على بنتها المريضة اللي ما تجاوز عمرها ٥ سنوات 
            ولقينا شابة صغيرة وجوزها اللي جاررها هو من ايدها اليمين ووالدتها من ايدها اليسار على قد حالتها مو صعبة والاصعب الطفلين الصغار اللي كانو راكضين وراها وواحد منن بعده بالحفاظة 
            لنسمع الممرضة طالبة منهم يعملو خزعة 
            قالتلي ماما عالاقل انا كبرت ولادي وجوزتهم وشفت احفادي اما هي لسا ولادها اطفال 
            المرض والموت مابعرف لا كبير ولا صغير بس اللي ما فينه ننكره انه الله رحيم فينا لو شو ما قلنا وفعلا اللي بشوف مصيبة غيره بتهون عليه مصايبه

بعرف الطب اتطور واليوم انا وماما كنا بسيرة وحده منعرفا كانت عم تعاني من نفس المرض بس توفى جوزها قبلها وجوزت ولادها وبعدها عايشة بس ما فينا ننكر انه هي عحل حاله تقريبا عشر سنوات وهاد الشي الصعب 

اليوم حطينا عفلم عالقناة اللي ما حدا بشوف افلامها غير امي " دبي ون " : 
            اغلب افلامها معقده نفسيا او غير مفهومة سريالية وبنهايات مفتوحة ودائما عن قصص حقيقة 
            وكالعاده كان فلم مبني عن قصة حقيقية ببدا بوحده ببدله عرس وبعدها بروح فلاش باك عن الشخص اللي بتحبه وانه بطلع معه سرطان انا هون انزعجت وقلت لوالدتي انه مابدنا نشوف هيك شي كونه نحنا لسا ما ابتدينا حتى برحلة العلاج بس ماما شدها الفلم وبنصه فاتت تستحم وتصلي مافيني انكر فعلا اتعلقت بالفلم وصرت بدي اعرف النهايه كملته للاخير وبعدين طفيت التلفزيون وانا بقلبي حزن وثقل لما دخلت امي وسالتني شو صار احداث ماقدرت خبرها لهيك كذبت وقلتلها انه ما كملته ،الاصعب من الموت هو العذاب انه تمر سنوات من العلاج والالم والكفاح وانت مو عارف شو النهاية بس مامن برب العباد وهاد كان قصة الفلم انه شاب مومن بالله كتير مر بانتكاسات وشفاء على مدى سنوات بس بكل مرة بنتكس بتكون اصعب من اللي قبلها ، بفقد وزنه وبخسر شعره وبتحول لونه لاصفر ومع هيك كان دائما متعلق بخيط امل لكن بالنهاية بموت 
            وهاد الشي اللي ما كنت حابه خبره لماما لهيك كذبت وانا بقلبي غصة 
            امي اكله هم مشاعر ولادها اللي صارو بالاربعين خايفة عليهن يحزنو مابدها ياهن ياها يحملو همها لانه بنظرها هي انه رح " تنكد عليهم " كل الناس بتفتكر انه هي الصفات موجوده بكل الامهات بس كشخص بمتلك ام بيلوجية غير امي اللي عم احكي عنا بحب قلكن  انها مو هيك وبس ماعندي كلام تاني قوله غير لا اله الا الله اشفي والدتي وجدتي شفاء ليس بعده سقما ابدا اللهم اشفها شفاء عاجل غير اجل اللهم امين 

Dear vallery 
            بعد عام بقلك انه صارت احداث ثانية ماكنتي متوقعتيا 
            بعدك شخص عاطفي ومتعلق وبعدك بتمسكي بطرف خيط على امل انه رح يحدث شي بتنتظري اشهر ومرات بتصل لسنين وانتي على امل انه يصير شي 
            لساتك متل ما انتي بتعيشي حياتك بس ما بتحسي بالايام الحلوه لسبب انه اخر كل نهار بترجعي لوهمك وبتتحدثي لاشخاصك الافتراضية عن يومك لانه باعتقادك هم موجودين 
            قضيتي سنوات من عمرك وانتي عهي الحالة 
            بعتقد انه هاد مرض نفسي 
            العبرة انه للاسف ما تغيرتي وبعدك متل ما انتي 
            متعلقة وعاطفية وساذجة

من كم سنة كنت بمتلك نفس هي المشاعر ، مشاعر التخلي عن كلشي والهرب وكلمات اغنية هاري ستايلز عم تقلي كيف انا وماتيلدا متشابهين بس للاسف خططي فشلت يمكن بسبب خوفي وأسباب ثانية غيرها 
            بس بعد سنوات حسيت فكرة ترك كل ما هو خلفي هي فكرة صعبة ومحزنة وجزء مني كان رافض فكرة الرحيل وانه اديه قرارات الحياة صعبة بين سعادتي ومستقبلي 
            بس اليوم وبعد سنوات عادت لي نفس المشاعر الموحشة خالية الوفاض والوحدة وفكرة انه بدأ حياة جديدة هو الشي الانسب لي لانه التعلق دائما بودي للخذلان وكيف دائما نظرتي للاشخاص اللي بحبها بتخليني اشعر اديه علاقاتنا مميزة وفريدة بس بعدها برجع للواقع اللي بصفعني وبقلي ميرا انتي مجرد شخص ثانوي وعابر 
            انا شخص عاطفي وعاطفتي مرات هي سبب تعاستي 
            وعودة لي مشاعر الفراغ ورغبة الرحيل تاركة خلفي عائلتي وناسي واصدقائي لكن ليس كنوع من الهرب 
            بل لبداية جديدة 
            هالمرة بتمنى مخططاتي تزبط غير اذا الله كاتبلي شيء ثاني

@ Dust_Melody  تم

@-Sukii
            في حال صرلي شي قولي يا داليا بهاد الحساب