-Xllire

- دَان .

يا مَن تُشابهُ في الصفاءِ غمامةً
            وتُضِيءُ مثلَ زرقةِ الأُفقِ النَّدِيِّ.
            فيكِ الحنانُ إذا تكلَّمَ همسةً
            ذابَ الجليدُ، وأورقَ القلبُ الشَّجِيِّ.
            تمشينَ، كالسَّحبِ الخفيفِ تواضعًا
            وتفوحُ منكِ رقيقةُ العطرِ الزَّكِيِّ.
            وجهٌ إذا ابتسمَ الصباحُ لخدِّهِ
            خجلتْ نجومُ الليلِ من ذاكَ السَّنِيِّ.
            ما كنتِ حُسنًا فحسبُ، بل رحمةٌ
            سكنتْ القلوبَ بلطفِها الأبديِّ.
            لو أنَّ للسماءِ قلبًا ناطقًا
            لاختارَ قلبَكِ موطنًا أزليِّ .

كأنَّكِ غيمٌ في سماءِ مودَّةٍ،
            إذا مرَّ، أحيا الأرضَ وهوَ حنونْ .

مَالِي أَرَى لَوْنَ السَّمَاءِ تَغَيَّرَا؟
            أَوَجَاءَ عَاشُورَاءُ أَمْ مَاذَا جَرَى؟
            أَوْ فَاطِمٌ نَشَرَتْ قَمِيصَ حُسَيْنِهَا؟
            أَمْ صَارَ وَجْهُ العَرْشِ أَشْعَثَ أَغْبَرَا؟
            مَا لِلنُّجُومِ تَلاطَمَتْ بِضِيَائِهَا؟
            وَالدَّمْعُ مِنْ حُورِ الجِنَانِ تَحَدَّرَا
            فَالغَيْمُ أَعْلَنَ حُزْنَهُ بِحِدَادِهِ
            وَحِدَادُ ذَاكَ الغَيْمِ أَنْ يَتَصَحَّرَا
            قَمَرٌ تَخَضَّبَ نُورُهُ بِظَلَامِهِ
            وَبَكَتْ عُيُونُ الشَّمْسِ ضَوْءً أَحْمَرَا
            سَمِعَتْ بِوَاعِيَةِ الحُسَيْنِ مُجَدَّدًا
            فَبَكَتْ مَلَائِكَةٌ وَصَوْتٌ كَبَّرَا
            ذُبِحَ الحُسَيْنُ مِنَ الوَرِيدِ لِزَيْنَبٍ
            اللهُ أَكْبَرُ! مَا جَرَى كَيْ يُنْحَرَا .

ناريّ ماتُطفَىٰ وَلا نارَك طُفت 
            وعَينيّ گَبلك تِبچي إذا عَينَك بِچت 
            يَالعَزيّز الماغِبت عَن باليّ لَحظه 
            ماأگوَل أنتَ بعَدت وشَلون أظُلمَك 
            ومِن يذَكرونَك گباليّ يبَيّن بوِجهَيّ 
            القَلق لو جابَوا إسمَك أنتَ 
            نُقطَة ضُعفيّ أنتَ 
            لو أحِب ثانيّ أريد وأرجَع أحَبك .

حَنيتلَك من صَار الغرُوب
            وأيدِي عَلى خَدّي مگَابل البُوب
            جَفني وقَميصِي عَليك مَرطُوب
            ودَمع النِواظَر سِيل ينهَد
            أتصَنت لگَلبي وشُوف صُوتَة
            كَل سَاعة أمُوت عَليك مُوتة
            فاتَتني من حَبيت فُوتة 
            مو عَذبتني اللهُ أحَد
            حَالَك تغَير مَدري حَالي؟
            صَاير تغَثني وما تبَالي
            ننهِيها أضَن بفرَاگ تَالي
            گَهوة المَشاعر عَيب تُبرَد
            تبعَدني چَا وتدَنّي البعَاد؟
            وچفُوفي چَانت تحتَك مخَاد
            عُوف المَلح والطِيب والزَاد
            ذَاك الحَضن وَياك ما فَاد؟
            وبوَجهي بابَك گَام ينسَد؟
            فُرصَة حَياتك چَان مَلگاي
            وهَسّة بگبَاحة تسُولف وَياي
            آنه أنغُلَبت وگِتلَك هوَاي
            وإنتَ ألّي مِثلَك عَيب ينعَد .

وبِينا وبِينَك فَرق كُلّش چَبير
            وما نَگول أسبَاب كُل هَذا الفَرق
            ما نِكَمل السَالفة الحَد الأخَير
            من الأسَاس وَياك مَسدُودة الطُرق
            وَيانّة ما ترهَم، وما نُرهَم مُحال
            وَياك ما نِگدَر نَدوم ونستَمر
            ويَاهو گَلك بالسَهِل دَرب الوِصال
            وإنتَ تَدري درُوبنّة موَرثة بجَمّر .

مَعْقُولة ما تِنقَهر وِتنَام گَبل ١٢
            مو مَثلِي تِشبَع بَچي وِتسُولف وَيَّ الصُوَر
            عَمّي إنتَ گَلبَّك قَوي وتِنسَىٰ التَحِبّة گُبَل
            وبخَير تَگضِي العُمُر بَس آنه گَلبّي سِگَط 
            لَمَّن عَفتنِي ورِحَت مَرتِيَن رَدت أنتَحر .

آنه خَايّف مِنَك وخَايّف عَليَّك
            خَاف أگِلَك رُوح وتِفهَمني غَلط
            دَوَرِتلَك حَل وَسَط حَتّىٰ أستَراح
            ومَا لَگِيَت الرُوحي قَبلَك حَل وَسَط
            يا نُقَاط ترِيد أحَطها عَلى الحرُوف؟
            وهيَّ نُص حرُوفنّا بِلا نُقَط .

ضَيعيتَچ
            وَرقَة مابِيَن الدَفاتَر
            ضَيعيتَچ
            لَحظّة وِبسَاعَات باچَر
            ضَيعيتَچ
            فَرّة وِبدُولاب دَاير
            ضَيعيتَچ
            نَفَس بَآلاف الجِگَايّر
            ضَيعيتَچ
            ومِنْ سَألتينِي حَبيبي آنِي وَين
            بَس فَتحت عيُوني
             بَعيُوني لَگيتَچ .

آنه الخَواف يا دَنيّا
            آنه الخَواف مَنْ كُلشِي
            لُـو أحلَم حَلِم مو زِيَن 
            آنه أرجِف گَبُل رَمشِي
            أدِگ بِالبَاب ألِف رَزّة
            وأفِز بَالليَّل ألِف فَزّة
            تِعَز رُوحي وأگِل للخُوف 
            ضَل بَالبِيت وآنه أمشِي 
            آنه الخَواف يا دَنيّا
            وحَال المَبتلي حَالِي
            أعبُر عَ النَهَر عَطْشَان
            وِالمَيّ مو عَلى بَالِي .

حُبَّكْ مو حَلو وهَجرَكْ دَلالّة
            شَنو توَاعَدنّي وَترُوح برِسالّة
            المَثلي تگَابلّة المَفرُوض وَتنُوح
            هَذا مواعِدَك مابِي عَدالّة
            مَحَد عَلَمَكْ مِن تِعشَگ إنسَـان
            إذا جَاسّة الوَجع تَبچِي بِدالّة؟
            گَلبَّك ما يحَس بَالجَاي أمُر بِي
            ما بَزَكْ عَلَّي مَحَد حِچَالّة
            بسَلفنّة الچِلمَة ما تِنضَم بَالحلُوگ
            شعَجَب ما سَامع العِفتَة شجَرالّة .