ِ

هَاي هِيَّ ودَاعتَچ لا تَستَحِينْ
            أنتِ مُو أوَل حَبيبّة تشَگِگ 
            بسَچِينهَا هَدوم السَنينْ
            آنه وَينْ وأنتِ وَينْ؟
            ولِيَش أَوِجَن وأشتَكيلَچ 
            وآنه أعَرفَنِچ تِطَفين الحَريق بَانزِين
            هوَ ذَنبِي ، لا سِكَنت وَيَّ الأجُونِي
            وَلا تِبَعت الراحَلينْ
            وَلا آنه عَابِد وأرتَجي الجَنّة مِنْ أمُوت
            وَلا آنه مِن الكَافَرين
            آنه قُصتِي وَياچ قُصة
            أنكِتبَت بوَرقَة قَديمّة ، خَط حَزِينْ
            وَلو أكُو تَأمِينْ عَ الحُب 
            چَان أطَالِبهُم يَردولِي وَلو رُبَع السَنِينْ .

گَتلي مِنْ تِعطَش تِرَويك الچَفُوف
            وهَذا آنه العَطْشَانْ وَينْ چفُوفَك
            وگَلبي مِنْ تِستَاحَش بنُص رُوحِي طُوف
            شُو عَلَّي شَحيَّت حَتّىٰ طيُوفَك
            عَادي يا بَذّات لُو رايَد تَعُوف
            عُوف ، بَس تِنكُر تِعَض چفُوفَك
            صَار مَلگانّة أسطُوانَة عَلى الرُفُوف
            حُبنَة مَات أستَشهَد عَلى چفُوفَك .

لا تَبچِينْ
            مَا يَصلَّح يگُولون البَچِي 
            عَلى الزِيَن
            كُون المَاتْ يَسمَّعْ وَنَّة اليَبچُون
            چَا رَد عَلّىٰ زِينَب مَنْ بِچَت لَـ حسِيَنْ .

يجُوز أشُوفَك 
            هَاي دَنيا 
            ولازِم تمُر بِينَا صِدفَة 
            وبِيها أشُوفَك 
            يجُوز أمُوت وإنتَ مَاكُو
            يجُوز أمُر جنَازَة 
            مَتسَّلِم عَليها
            وإنتَ تَمشِي وَيَّ التِحَبّة
            يجُوز الله يقَوي گَلبّي
            والزَم سُوارَكْ وأذِبّة
            يجُوز تِنصَاب بمَرَض 
            وَالدَنيَا تِصغَر 
            ما يَطُب رِيتَكْ هَوَىٰ
            يجُوز تِتمَرَض حَبيبِّي
            وَآنه أنطِيكْ الدِوة .

هوَ مَنهو بحَالنّة أحَنّة المَساكِين
            أحَنّة المحَد ألنَا المَدرِيّ منِيَنْ
            ومَن يِسأَل عَلينّا لَمَّنْ نغِيب
            حَتّى لُو غِياب يطَول سنِيَن
            خَلصنّا عُمرنَا بَالمَحاطّاتْ
            سَفَر وبيُوتنّا سَطُوح الفَراگِين 
            مَرسُومّة بجِلَدنّا ذِيچ الأنيَاب
            الجَرِح لُو طَاب هَم يَترِك نِيَاشِينْ
            وَين أهَلّي عَلَّي ما دَگَوا البَاب
            تَرة صَحتِي عَليلّة وگَلبّي مو زِيَن
            مِن أهَل الله بَعدنّا ونَاس طَيبِين
            مَكتُوبْ بجَناسِينّا غَريبِينْ
            خَسارَتنّا چَبِيرّة وغِشمَة بَالسُوگ
            تَعبنّا عَقُولنّا بسُوگ المَجانِينْ
            مَن يَستاهَلِچ يا دَمعَة العَين
            مَسكِين اليَدايّن دَمعَة العَين
            تِمَنينّا نَمُوت بغَير تَعذِيب
            وعَلّىٰ المَذبَح يَطغنّة صَارلّة سنِين
            فَض الأزدِحَام وقَلَت النَاس
            ومَا گِدامنّا بَس واحَد ، ثنِيَن
            يُوصَلنّا السَرة ويتأجَل المُوت
            يَمتىٰ أرگَابنّا وتِعمَىٰ السِچَاچِين .

أرِيدْ أعتِذُر خَاف بدَمعِي أذيتَك
            وَلَكِن ما أجِيَتْ هوَايَّ تانَيتَكْ
            لا آنِي الرِحَت وَياكْ حَتىٰ أرتَاح
            لا إنتَ الأجِيَت ونَوَرِت بِيتَك
            تِمَنيتَكْ كَنِز مُو جِثّة مِنْ دِفنُوكْ
            وَكَت العَازة أطَلعَك لُو أحتَاجِيتَكْ .

تَعَال أمسَحْ دَمُوعَكْ وأَرسِمْ أفرَاح
            عَلىٰ عيُونَك وخَدَّكْ وَالشِفَايّف
            ومَعْليَّكْ بحِزَن ذِيچ المَواضِيع
            راح أختَارِلَكْ أحَلّىٰ السُوالِف
            ومَعْلينّة بَعَدْ بَالرَايَّح وجَاي
            ومَعْلينّة وَلَو بَس أبقَّىٰ خَايّف
            أخَاف عَليَّكْ مَنْ عَين اليَحِسدُوكْ
            ومِنْ عِيُونْ تُجَار العَواطِف .

آنه بِلّا وَعِيّ مَنْ أنطَيتَكْ الرُّوحْ
            وعَقِل ما چَان عَندِي وهَسّة فَزيَّتْ
            مَاچَذِب وأگِلَّك بَاچِر أَنْسَاكْ
            عِفَتنِّي وذِكرَيَات هوَايّ خَليَّتْ
            إذا كُلّ حَايّط البِي أسمَكْ يطِيّح
            عَلّىٰ هَل حَال لازِم نَهدِم البِيَت
            بأَخِير أَيامِي عِشَتْ برُوحَك هوَاي
            دِيـرَّة شَايلّين وحَشّة حَسيَّتْ
            ظَلمّة، ورِيح بِيهَا، وصُوت بِيبَان
            ورِدَت أطلَّع وَلٰكِن ما أندَليَّت
            طَلاسَم نَظرِتَكْ فَكَتها الأعذَارْ
            وبِعيُونَك شگَد ألغَاز حَليَّتْ .

أگُول نَاسِية الحَلم بَس لِأن فَشلة أحچِي (".

- https://vt.tiktok.com/ZS6nr5KNq/ .

– عَينَاكْ ما فَعَلَت بِنا عَينَاكْ .

ما تَجْيّن؟
            شضَل بَعَدْ وإِلمَّن بَعَدْ تِتأَمليّن
            أنتِحرَت النَجمّة بسِمانا
            وأنذِبَحْ زَاجِل هَوانّة
            وطَائِر النَورَس حَزيّنْ
            ما تَجْيّن؟
            اليَحِبّ لازَم يمُر مَرّة بحَبيبّة
            وَالمفَارَك هَم يهِزّة الشُوگ
            الأَحِبابّة ويَجيبّة
            وإنتِ ما چَنِچ حَبيبّة
            وَلا كِسَر گَلبَّچ عَذَاب العَاشگِينْ
            ما تَجْيّن؟
            عِدنّا شُوگ وعِدنّا خَاطر مَشترِيچ
            مزَاعِلَتنّا
            ولِيَّش مَنْ عِدنّا العِشَگ ما تَشتَرين
            هَا تَجْيّن؟.