،،🖤😶:لهسه صواب زعلك... حار بينه
وطبيب الطيب السل... حار ببنه
عفتنه واحنى لجلك... حاربينه
اهلنه ولا كلت فشله وخطيه
جتف مخلوع... وانته طارحتني
امس ويدك بسديه... طارحتني
يريت امي بشهرها... طارحتني
ولا اعيش واشوفك خنت بيه
وشعلامك زمزم عيونك... يريته
بوكت بي يبجي المزعلك... يريته
بجيت وكلبي من عرجه... يريته
وشطت شوطت يتيم بمغربيه
اما ناوي تبطل الزعل... ياهيل
ترف ياعود عنبر مسج... ياهيل
وعلي من جنت بل كاروك... ياهيل
وانا مناغاك يلعب لعب بيه
صدى صوتك يدك براس... ويران
بعقلي وكلبي من فركاك... ويران
حرب صدام ثمن سنين... ويران
رضت وانته ع زعلك ذاك بيه
تره عيونك دوه لخلكي... ونومي
شحيح وطيفك يغرب... وانه وامي
هنا يلمك لهيه بشعرك... وانه امي
كل ليله بضريح تبات بيه
واجه يطكني واخوته... حاجبينه
واسمعه يكول مالك... حاجبينه
خزرني وسيف صارنه... حاجبينه
صرت مثل الصنم من هد عليه!