رَمْشَة

مَلحوظة بَسيطة :
          إحنا دورنا بهالدنيا مو حتىٰ نربي الناس، ڪُل اللي نسوي نتجنبهم ونطلعهم من دائرتنا ونخلي حدود وما نعرفهم أخبارنا وها أها .

مُقرفين. 

المُغرب شيسولف والسما يخَجلها؟ 
          ما بقت ڪِلمة وإلها ما گايلها 
          توعدني مثل المذنب الـ "عود يتوب" 
          يوميا ينوّي وتوبته يأجلها .

اني أؤتمن بعداوتي 
          إنتم ما تتأمنون بصداقتكم 
          We’re not the same.

"لو مَيت ولا لاگيك".

واذا حَن گلبك عَليّ هالليلة مُرني .

بديت أربط المواضيع .. 

بالأمس مَررتُ بذاكرتي، ولم أنجو .

چنت أتحسَس مِن اي شي
          علىٰ حچاية التغثني أسهَر
          الحچاها ينام 
          واني بروحي أضل أقهَر 
          چنت مِن انغَث مِن إنسان 
          بعد ما املك أعصابي
          وأي شي بيدي يتكسَّر
          حَقيقي وفوضوي 
          بَس ما أأذي أحد
          أهدد وانفِعل وأنهار 
          وچذب بس أحرگ بروحي 
          ورَا ساعة أرد أبرَد 
          والغلطان نفسيته 
          يرجَع ياخذ هدومي
          لا آسِف ولا يحتاج يتعذَّر
          نقطة ضعفي چانت هاي
          ونقطة ضعفَك 
          الوادِم تحاول تستغلها أكثر
          الىٰ أن الحچي تغيَّر 
          أحس روحي بَشر ثاني 
          أحس بروحي صرت أخطَر !
          مِن صار الحچي مايستفزني بشي
          و ردة فعلي تتأخر ..
          ترة كِلما هدوئك زاد
          كلما أكثر تعانِد 
          التجرحَه وينفِعل 
          أعظم قراراته يكسر الجام
          مايكسر گلب واحد ..
          
          مِن هذا البَشر لَتخاف 
          بس خوفَك مِن البارد !

الوعي يجي فجأة مثل صفعة،
          يوقّفك ويگلك : “گوم.. هذا الطريق ما ممرّد إلك.”
          ومن ذاك اليوم بطلت أرڪض ورا أماڪن ما تشبهني،
          وبطلت ألزم إيد ناس، أول ما أغمض عيوني يضيعون .