الــمُر ౾ .

نطيَني قناتچ التِلي؟.

الحقيقة المُرة بـ حياتنا وبـ الدُنيا كُلها أساسًا ، 
          هـيَ إنُ مـن الشخص الي تحس نفسك مرتاح ويا وتحبَه وساند نفسك عليه وبعدها يـعرف انت ضعيف بدونه مُستحيل حَ يحتوي هالضعف وهالخوف يبدي عنده هرمون " الخباثة " ويبدي يسوي أشياء تنرفزك أشياء تغثك بـ حجة " أخليك تغار يروحيَ " !!!!! 
          أو يبدي يخون يبدي يهين وأحترامه يتحول لـ0 
          بـ كُل بساطة أو يبتعد حتىٰ يشوف معزته عندك 
          بـ أختصار يسوي تصرفات " مزعطة " الي مطلوب منك بـ هيج وضـع تستعيد ثقتك بـ نفسك وتمشيَ ع مبدأ " اني غالي وگلبي غالي " تستقوي بـ أهلك وبـ طموحاتك وترفع مـن مقامك وقيمتك 100% لتحسس اي كائن مـن يكون عود هو أحسن منك بـ فلان شغلة حقيقة الإنسَان يستغل الضعف هذا بـ كُل أنانية وبـ مرور الوقت يصير عندك يقين أول شخص حَ يدوس عليك هو هالشخص .

مبدئيًا هـايَ أكثر فـترة راضيه ع نـفسيَ بيها ، 
          وأكثر فـترة مرتاحَة بيها نفسيًا وجسديًا هـيَ هالفترة ! .
          والسبب إنُ صـرت أختار راحتيَ بـ كُل مـرة وأيدي والبلوك 
          ومَ أهتم لأي شـيَ بـ الدنيا غـيَر راحتيَ . 

مُصطلح " الخسَارة " بـ النسبة اليَ عمره مَا چان 
          مُرتبط بالأشخاص ، بـ رأيي الخسَارة الحقيقية 
          هيَ خسارتك لـ نفسَك ، أنُ تخسَر سلامك الـ نفسي
          تخسَر سعادتك ، تخسَر كُل ضوه بـ حياتك 
          وتبقىٰ مطفيَ ، كُل الخسَاير مُمكن تكدر تعوضها 
          بَس مُستحيل تكدر تعوض خسَارتك لـ نفسَك 
          واذا كدرت فـ مَا ترجع مُثل قبَل ،
           " أهتموا لـ نفسكم "

Calm dowm .

مَ أعرف شـنو الأحساس الـيَ يجيني وأنـيَ جاي أدرُس ، 
          شعور مريب وغريـبَ بـ نفس الوقت أصفن أكـول شـَنو الـيَ يجبرني
          أنهُ أنـيَ أكعُد هـيج وقت والصبُح بينمَا أنـيَ چنت إنسَانه 
          كُل همها الـنوم ! .
          صُفنت بيـني وبيـن نفسيَ يا ترىٰ أنـيَ راح أكدر أجتاز هالمرحلة ! .
          أنـيَ سابقًا بـ قناتيَ كُلت إنُ نجاحي لـ نفسيَ بس لا !! .
          أيقنت هـوايَ ناس تريد نجاحيَ أنـيَ واعدت هـواي ناس راح أطلع
          مُعدل عالـي راح أطلع مِـن السادِس بـ فخر وأبين قوتـيَ ،
          إنُ ماكو شـيَ يصعب عليه كونيَ " أنـي " كونـيَ إنسَانه أحب التحديات كونيَ إنسَانه مَ تخاف شـيَ تحُب تجُرب كُلشي ، 
          فكُرة أنُ أنـيَ مُمكن مَ راح أطلع المُعدل الـيَ واعده بيه الناسَ 
          وبالذات أهليَ " فكُرة مريبَه جدًا الـيَ " أريَد أشوف فرحتهم وأسمع
          كُلمة " مـبروك " مِـن كُل إنسَان حچه وكال مَ راح أطلع ومَ أريد 
          أسَمع المُباركات الـيَ أريد أسمعهم يخابرون بابا ويباركون الـه ، 
          أريد أسَمعهم وهم يخابرون ماما وأشوف لمعة عيونها وفخرها بيَه
          أنـيَ گدها أعرف هالشيَ بـس أفكُاري ، 
          ها مُمكن مَ راح أطلع ، 
          ها مُمكن أفشل ، 
          ها مُمكن راح أشوف خيبه أميَ وكسرة أبويَ ، 
          بـس بأذن الله أنـيَ گدها وراح أطلع المُعدل الـيَ يرضي أهليَ
          وكُل المُقربين الـيَ إذا مو لـ خاطريَ ولـ سعادتيَ فـ لخاطرهم همَه 
          يستحقون يعيشون شـعَور بنتهم جامعيَة وكبرت ،
          صح أنـيَ قوية بـس فكُرة مَ راح أنجح وأطلع المُعدل ترعـبَ 
          وحتىٰ أبين لـ ناس أنـيَ هم خايفة بـس وعد أنـيَ گدها 
          وأعتبرها مُرحلة مصيريـه وحـرب وواثقة أكون عند ثُقة أهلـيَ 
          وراح أفـوز . 

مبدئيًا هـواي بـ اسئلة أولهن هيَ إنُ البشر ليش مَ يقدر 
          النعَمة اللـيَ عنده ! الصحة نعمَة ليش أنـيَ أسوي نفسي مريض 
          وأنـيَ أساسًا مَـو هـيَج؟ انتَ الله خله عندك عـقل مترة ونص 
          ليش تسوي بيَه هالسوالف؟ وشنو راح أستفاد اذا الله سَحب 
          مَـني صحتي مـنو يفيدنيَ أنـيَ؟ .
          تعاطف الناس ، 
          كلامهُم ، 
          تصبيرهم الـيَ؟ كُل هذا مَ يفيد إذا الصحة راحت مُستحيل ترجع 
          ليش هـسَه أنـيَ أسويَ نفسي بيَه سرطان بيَه صرع وأنـيَ كُل 
          هذا مَ بيَه علمود أكسَب تعاطف الناس !!!!!! .
          وشنو يفيدونيَ هم؟! وليش هيج منطي أهميَة للموضوع ولكلامهُم
          أصلاً؟ بنات الواتباد وتالي وياجن يعنيَ ترا هاي السَوالف 
          سَوالف مراهقين بطلوها ونبيَ عيب وزحمة كبرتوا أنتوا كافيَ جهل
          وتضحكون العالم عليكُم ! وسالفة أسويَ نفسي ميت حتىٰ الناس
          تترحملكُم هم بطلوها لأن موديَل قديم وجهل والعالم تطورت 
          الإنسَان إذا مريض مَ الـه خُلك أي شـيَ لا برامج ولا تواصل ولا أيَ
          شيَ مِن هذول أسألوني أنـيَ هـسَه إذا راسَـي وجعني مَ أدخل 
          وإذا أشوف نفسَي صحتي مو شيَ مَ أدخل وانشر وادعولي 
          وراح اروح للدكتور وراح أصخم ونبي زحمَة وعيب أتقوا الله رحمة 
          الـه ولأهلكُم .
          

مُمتنه جدًا ، أجتِ بـ وقتها ♥️ .

✨✨

أعتقـد إنُ أني الوحـيدة مَ رايده التقليص ! .