سـُكـرة .

يجوز اشوفك هايَ دنيا ..
            ولازم تمر بيه صدفه وبيها اشوفك 
            يجوز اموت وانتَ ماكو 
            يجوز امر جنازه متسلم عليها
            وانت تمشي ويَ اللي تحبه
            يجوز تتمرض حبيبي 
            واني انطيك الدوه
            يجوز ابني يلاعب ابنك بالدرابين 
            المشيناهن سوه 
            يجوز نتلاكه بوسط سوكَ المدينه 
            يجوز انسى احنه افتركَنا ياحبيبي
            و اركض بلهفه واحضنك …

مُحتاج اسُولف وَ ابتسِم 
            بالمُختصر مُحتاجَلك ،لو يَمِي كُل هَاي البَشر 
            انتَ الوحِيد اشتاگلِك
            جا ليش عَني تغَيرت ؟مُو تدري مُحتاجَك لأن
            لا بية احِب غِيرك بَشر
            لا بية اعِيش بدِونك
            بَالغالي يحِلف كُل مُحب وَ احِلف چنِت بعُيونك
            مَزاجك هَذا مَدري لوين وَداني
            چنِت مَا ابَچي عَلى المَيتين وَ عَلى العدِلين بَچاني ! 
            امِس سِألوا عَليك وَ گلِت هَذا اني  .

مرات تتصور  إنه حياة غيرك أحلى من حياتك و تظل تباوع  شنو عندهم و تتمنى  تكون  مكانهم .
             وبنفس الوقت يمكن همه دا يباعون على  حياتك ويشوفوها أحسن من حياتهم .
            
            لكن الحقيقة المشكلة  مو بالحياة نفسها لأن كل إنسان عنده نصيبه من الفرح والتعب ، بس المشكلة بالعين اللي تعودت تشوف رزق غيرها وتغفل عن النِعم اللي بيدها. 
            
            الإنسان إذا وكف لحظة وشاف شكد عنده أشياء تستاهل الحمد يمكن يكتشف إن حياته مو أقل جمال مثل ما كان يتصور بس القناعة هي اللي تغير  نظرتنا لكل شي .
            
            لهذا السبب دائماً اكلكم خليكم قنوعين بكلشي عدكم .
            
            *الحمــدلله دائـماً وأبــداً ♥️*.

يجي وقت وتنضج ، وتفهم شوكت تترفع وما ترد ، تفهم بأنه رزقك جاي حتى لو جرب أحد يمنعه ، تفهم بأنه أكو أشياء متستاهل التضخيم وتكوم تعرف شلون تمشيها ، تفهم كيف تتخلى بدل متعاتب ، تفهم أنك تفرح لنجاح غيرك وأنه الأرزاق اللي مقسمها الله متتعارض ، تفهم بأنه حياة غيرك ملكهم مثل ما حياتك ملكك ، تنضج وتعرف قيمة وقتك ، وتخلق عالمك اللي تعيش بي وَيَا كم شخص يشبهك وأحلام يشبهوك ، حتى يكون وجودك بهالدنيا راقي ، وتفهم أنك خضت حروب هوايه ، وتستاهل شويه تعيش بسلام..

احنه فترة بحياة كل واحد للثاني،
            حاول تصير ذكرى حلوة والناس تتذكرك بالخير
            العشرة الأصيلة تدل على أصل طيب
            وفراك الناس بالمعروف يخليهم يبجون على عشرتك اكثر،
            
            حتى لو واحد غلط وياك اطلع من حياته بهدوء ويبقى بينكم خير تتذكروه بأحترام وسلام كل ماتصير عينك بعينه
            
            النهايات اهم من البدايات
            البداية اهتمام وشغف
            والنهاية تبين منو المعدنه اصيل..

_