مينا

فاگدينك ، وانتظرناك بسوالف 
          بيها وينك !
          شنو محد گلك شگد بينه شوگ ؟
          انتَ وينك ؟
          من غبت نشز وكتنا وطگنا عوز 
          فدوه أشمر بينا واهس احنه كلش فاگدينك ..
          من غبت ما گمنه نلتم 
          واعتزلنه الگعده ذيچ
          ومره اذكر ! 
          مره اذكر .. بيك نحچي ومن وصلنا لحرف اسمك :
          هَب حنينك !
          انتَ وينك ؟
          لا قريب ونعتنيلك 
          لا تجي ونلمحها عينك "
          راح نمشي 
          ولان ماكو انتَ بعد المن ندوم ؟
          هيَ ظلت ذكرياتك وانتَ ..
          وشوية سوالف 
          وانتَ وينك ؟
          فاگدينَك ..

          https://youtu.be/VLMy2jzk0qo
          
          _ محح مناوي الوردة ☻

بس تعالوا.. 
          ولو أجيتوا چفوفنا نحنّيها
          وگلوبنا الما تنسى همكم 
          هلبت ننسيها
          هلبت بختنا يجيبكم 
          ونشم روايح طيبكم
          وما أصدّگ حتى لو جيتوا وگعدتوا
          عيوني أحسّ بيهن غشا وما گولن أنتوا
          لأن صرتوا مستحيل
          لا تجوني لا نهار ولا بليل
          صرتوا بس ذكرى عزيزة وما تغيب
          صرتوا بس جروح بيه وما تطيب.

بكل درابين المدينة عاشگين
          تطرز الدنيا بجناسيهم گمر للتايهين 
          حتى بضلوع الفوانيس التدلّيهم
          تِرِف وَسْنَةْ حنين
          عاشگين ، عاشگين 
          الليل يعرفهم ضواه
          النبض يعرفهم هواه
          والعرفهم يدري بيهم تايهين 
          وحتى الله يدري بيهم مستحين .

بـ أنتظارك عودتني.. 
          عودتني اشتل ظفاير للشمس
          وأشتل لفـيّك خرَز سبحة ضوه 
          ردتك تجيس العمر شوگ بهمس
          ردتك وأيامي ضاعت من أمس
          وأنا وعيوني وخضار الروح تهنه 
          منين مافزت شمس يلتم حنينة 
          يدور عباد الشمس 
          ردتك مراية عذر تسگيني وينك ؟ 
          يا نبع ظلك يشد روحي علة گيض
          وسلسبيلك دله غيري آغصان تينك 
          لهفة السچة ولا تاخذني منك 
          انه بس تاخذني عينك 
          اذكر أسمك والمطر توه بتدة 
          اذكر اسمك وية روحي 
          وغيمت روحي عصافير وندة .