user71689683
قصيده مصريه: في حد كذة عاوز اقول له حتى انت كمان دا كنت بقول عنك غيرهم
وإنك اولهم وأخرهم دقدقوا على رأسي بمساميرهم وأنت اللي داوتني وكنت
أمان فتقوم تتغير وتقرر تجرحني وتتغر عليا دا كنت بقول عنك غيرهم دا كنت بقول عنك إنسان حتى أنت كمان انا لما حكيت لك عن وجعي من ناس كانوا قبلك ويايا كان قصدي تطمنيني ياطيب مش تيجي وتعملها معايا لما انت هتمشي من الاول خلتيني أتعشم ليه في قربك كنت تعرف إنها صفحة مش مكتبلها تبقى حكاية طب اصدق مين وانا كل مقول على حد جميل بيكذبني بقى شكلي وحش قدام نفسي من كتر ماقلبي مغلبني بينقي الناس اللي تعلمه
مايحبش حد ولو يآمن وفي نفس الوقت بليد وعنيد ومصمم بردو يغلبني انا
خذت قرار إني اتغير مش هزعل ولا اعاتب تاني ولو كنت إختارت إنك تمشي
انا بردو أختارت إبقى أناني اصحى من النوم علشان نفسي وأسيب الناس في
سلام نفسي واعمل تفاصيل حلوة بنفسي وافضل على الوضع الوحداني وأخر
مرة خد كل الود وكل الحب واي كلام وطلع بره انا احسن حد هتقابله وخذ
بالك من بعدي هتتهان هتلف وهتهف وهتشوف وتقابل ناس اشكال والوان
هتلاقي مفيش حد فيهم إداك لو ربع اللي اديته لك وهتعرف إنك شئ عادي
واقل كتير من العادي كمان كان مالي ومال الهم ياعم انا حد صحتي على قدي
انا عاوز حبة ناس حلوين وصحاب صافيين يفضلوا حدي إنسان احكي له
ويحكي لي ويشاركني همومي وتفاصيلي ونعجز مع بعض ونكبر والعمر اهو
ماشي بيعدي انا مش طماع لكن فعلآ فعلآ الواحد لازم يستنضف لازم يختار حد مناسب مش لسة هيتعب ويصلح ربنا بيصلح ويحاسب الحب لوحده ما بيطولش ولو طول ما بيستحملش ومش منطق تطلب مشاريب والطرف التاني اللي يحاسب محدش فينا كان عاوز يكون أرحم من التاني ولا يضحي عن التاني انا وانت اللي كنا زمان احب تنين واحن تنين وكان اكبر خلاف بيننا يدوب في يومين يادوب في يومين زعلنا النوية دي ازداد وخلى الخطوة بينا بلاد وفرقنا على طريقين وصرنا غراب خلاص تاني محدش فينا كان عاوز يكون ارحم من التاني ولا يضحي عن التاني: ليت الليالي تعود وتمحو شعوري بحب لشخص قديم بجهلي وصغري وسوء اختياري تركت فؤادي يجوب الجحيم ولاعيب اني ارتكبت الفظايع بنفس لنفسي ثم استفقت ولكن حزين بحق لكوني خدعت مرارآ ولم استفق
