18Ivana

غياب خير يارب

_

Єиɢяαvєɒ✨📎

          
          يعني الواحد ما ادري شنو يحجي ومن وين يتلگاها، اللي يشوف حضرة جناب الحاكم ابن الزيدي وهو الدمعة بعينه ومقهور خطية على عائلة العميد اللي انقتل يگلك هذا الوزير ماكو منه ومن حنيته على شعبه!! 
          زين بالنسبة لولد الخايبة العوائل اللي تهجولت وانتو دتفلشون ببيوتهم كدام عينهم شنو هذولة يعني مو بشر؟!! مو داگهم العوز والضيم بنص هذا البلد بفضلكم وفضل خمطكم؟!! 
          
          تحجي يكلك مو تجاوز على گاع الدولة عفية الدولة ناهبة كلشي من عدنا ما حجينا، بس من واحد يبني ببلده بيت يلمه ويرتاح شوية من الاجارات  يسموا متجاوز؟!! 
          
          تحجي يكلك هذا كلام عاطفي والقانون فوق الكل لا مو فوق الكل انعل ابو القانون اذا هو هيج ، لان انت هسة من فلشت ما راح توفر بديل ولا انت بلدك بي اقتصاد عالي تكدر تشتغل وتجمعلك فلوس بيت ولا انت الحكومة منطيتك تعويض يغنيك عن ( التجاوز ) على گولتهم، ولا انت موفر تعيّنات وفرص عمل محترمة لرب الاسرة !! . 
          
          ببساطه انتوا فگريات نهبتوا البلد من كلشي شلون بعد تجون فوگ سواد عيونكم تزيدون الفقر والضيم على المواطن ؟!!
          حتى تطلع روحه اكثر ويكره نفسه اكثر لان عايش بهاي الغابة... 
          
           
          عجيب امر هاي الحكومات  ! 
          رحمتك يا الهي.
          
          
          
          
          

          
          
          ليش لازم ما تخلي غبي يدافع عنك حتى لو كان يحبك ويخاف عليك ؟
          
          ببساطة، الموضوع ما يتعلق بمحبته ولا بخوفه وحرصه عليك، إنما يتعلق بدفاعه عنك... 
          يعني عادي يحبك ويحرص عليك، لكن يسيء إلك عن طريق دفاعه.
          
          وهنا لازم تفكر... شنو اللي يخلي خصمي يكول :
          " هذا غبي، ما يمثلهم " ؟ وليش افترض أنه ما راح يعتبر هذا الغبي هو النخبة، وأنه يمثل مشروعك أو طريقك وعلى هذا الأساس يبني رده عليك؟
          
          صحيح أن الفارس النبيل والشجاع ما يدور زلات غير معنية عند خصومه، بس يا اعزائي الفرسان قلائل ونادرين كلش.
          وندرتهم تخليهم أصلاً ما يدخلون كل المعارك؛ لأن إذا يدخلون، لازم يكون أكو فريق نبيل گدامهم، وتعال شوف وين تحصل فريق بهذا التقشف؟ .
          ــــــــــــــــــــــــــــــــــــــــــــــــــــــــــــــــــــــــــــــــــــ
          
          
          نبّش ورى أصدقائك أكثر من تنبيشك ورى خصومك.
          
          
          

          
          
          المفروض اللي يحبّون الصيف لا ناخذ منهم زوجة،
          ولا ننطيهم زوجة... حتى لا يتكاثر هذا النسل الصيفي. 
          
          
          

          
          
          
          الثعلب الوحيد الذي استطاع أكل الدجاج كله؛ لم يقتل الديك فَيشتري المُزارع غيره، إنما استبدله بديكاً آخر صوته مبحوح فإستحسنه المزارع وابناءهُ لأنه يُضحكهم عندما يصيح! 
          
          
          
          
          
          
          
          

          
          
          
          حتى الشخص المادي او الملحد إذا كان صادق بطبيعته وإنسان غير منافق، بغض النظر عن البكاء، على الأقل راح ينعجب بقضية الحسين.
          
          دعك من المقام وأنه سبط النبي وابن علي وابن فاطمة.
          
          الحسين ضحّى بإخوته وتقطعوا أمام عينيه وضحّى بأولاده بين يديه، وضحّى بطفله الرضيع وهو في حضنه وقد نبت السهم في نحره وهو يطلب منهم شربة ماء لهذا الرضيع!! 
          
          وضحّى بنساءُه ( ولن تعرف معنى التضحية بالنساء إن لم تكن  عربياً أصيلاً ) قبل استشهاد لأنه كان يعلم ما سيحدث لهن!. 
          
          كل هذه المصائب من أجل موقف!
          مصائب كان يدرك أنه لا مساعدة ستأتيه لتنجيه ولم يكن يتوقع ذلك أصلاً  ...
          
           أتدرك الآن شدة الصمود؟ لا وجود للظنون حتى تخفف عنه شدة التوقعات، كان الأمر حتمياً وكان يعلم ومع ذلك ثبت وضحّى من أجل الموقف.
          
          أئمتنا ختموا كل الخصال التي يتشرف بها الإنسان، حتى تشرفت الخصال بهم.
          الشجاعة والثبات والأخلاق والنبل والكرم والتضحية والوفاء والصدق... إلخ.
          
          ليس غريباً أن يحب الحسين المسلم والكافر والمنحرف والضال،  فكل خواصه يسعى الناس على اختلاف مشاربهم طوال حياتهم لاكتساب واحدة منها أو الحفاظ عليها.
          
          وكيف لا يكون ذلك، وأبوهم علي!
          ــــــــــــــــــــــــــــــــــــــــــــــــــــــــــ
          
          
          لبيكَ يا حُسين ابديا 
          اللهم ثباتاً بحق هذه الليلة  .
          
          
          
          

          
          
          هناك رجالٌ يمرّون في التاريخ
          وهناك رجالٌ يصبح التاريخُ مضطراً أن يمرّ بهم.... 
          
          وعليٌّ من أولئك الذين لا يمكن تجاوزهم.
          لم يكن الأقرب إلى النبي ﷺ في النسب وحده ولا في الصحبة وحدها، بل في الفهم والوعي واليقين.
          
          نشأ في بيت الرسالة وشهد فجر الإسلام الأول،
          وحمل أعباءه يوم كان ثمن الإيمان باهظاً.
          ولهذا لم يكن يوم غدير خم حدثاً عابراً في طريق العودة...
          انما موقفاً أراد له النبي ﷺ أن يُسمَع ويُحفَظ ويُبلَّغ.
          
          فأوقف الجموع في حرِّ الهجير وجمع الناس من تقدّم منهم وانتظر من تأخر، ثم رفع يد عليٍّ أمام الآلاف وقال :
          
                                    «من كنت مولاه فهذا عليٌ مولاه».
          
          لم يكن ذلك تكريماً لشجاعةٍ يعرفها الناس ولا ثناءً على فضيلةٍ يشهدون بها، انما إعلاناً لعلاقةٍ أراد النبي أن تبقى حاضرة في وعي الأمة بعده.
          
          ومنذ ذلك اليوم لم يعد عليٌّ مجرد رجلٍ من رجال الإسلام العِظام، بل صار عنواناً لكل حديثٍ عن الحق حين يختلف الناس وعن العدالة حين تضيع الموازين وعن الوفاء حين تكثر المساومات.
          
          
          ولذلك لا يُحتفى بالغدير لأنه ذكرى من الماضي، بل لأنه يذكّرنا بأن القرب من الحق لا يُقاس بكثرة الأتباع، وإنما بصدق الثبات عليه.
          
          
          
          
          

          
          
          
          
          يعني اريد اعرف هاي خانة موجز المجتمع منو مخليها وليش أصلًا؟!
          عفواً بس شدخلني اعرف الأشخاص اللي اتابعهم شنو يقرؤون وعلى شنو يصوّتون او يتفاعلون؟؟!
          
          
          تطبيق روايات هذا لو سجل تحركات المتابعين؟!! 
          بعض الخصوصية ما تضر يعني.