1nouran

زلزال سوريا و تركيا المفجع 
          	
          	انا في العادة مش بتكلم عن الحاجات دي ولكن الموضوع المرادي مختلف ومحتاج واقفه خصوصاً انه مأثر عليا نفسياً بشكل كبير الحقيقة ومحطمني ومقيدني ، وهو صعب فعلاً و مفجع مابالكم بأصحاب الشأن نفسهم؛ وإذا الي حصل ده معدلش بعض الفئات من البشر يبقى آيه ربنا في التنبيه موصلتش ليهم
          	
          	لو اتكلمنا من منظور بعيد عن سياسات الدول فـ الي حصل ده يعلمنا دروس مهمه اوي؛ اولها أن لازم الإنسان يحمد ربنا و يرضى على الي هو فيه مهما كان هو في ايه و يحمد ربنا على المسكن والبيت الي شايله حتى لو كان صغير أو على قد حاله، شوفوا دلوقتي عدد ميتعدش وبالآلافات من الناس الي كان ليها بيت في ثانيه والثانيه التانيه مبقاش ليهم بيت ولا حتى مكان يباتوا فيه في عز وصعوبة أجواء  الشتاء خصوصاً أن في مناطق فيها عاصفة ثلجية فـ الصعوبة أكتر
          	
          	الرسول عليه الصلاه والسلام في حديث قال "من أصبح منكم آمناً في سربه ، معافى في جسده ، عنده قوت يومه ، فكأنما حيزت له الدنيا بأسرها" - بمعنى ان ظالما عندك سقف حاميك من البرد و مسكن آمن ليك من العوامل الخارجية، صحتك كويسه، وعندك اكل يكفيك النهاردة بس.. يعني كأنك ملكت / اُعطيت الدنيا كلها 
          	
          	ده غير اخواتنا في سوريا والي بيعانوا منه من سنين طويلة، الموضوع ده مفرغ منه في الحديث يعني ، جه الزلزال الشديد و زاد الطين بله عليهم، ولكن ربنا اكيد عنده الرحمه اكتر مننا كلنا وفي حكمه اكيد من الي حصل وربنا رايد ليهم أعلى منازل الصبر و يختبرهم فيه، حيث أن أعظم أنواع الصبر هي الي يصبر فيها المسلم على البلاء وعلى المصيبة التي وقعت في حياته وهو مش عارف سببها أو ايه هي الحكمة منها ولكنهم عارفين في قرارة نفسهم أن الله لا يفعل شيئاً إلا وبه الخير  
          	
          	+ تابع