حلو تمثيلك او ممنون علمشهد 
تعبتك وياي اجر التعب اشگد 
خليت اليحب من نضرتين اصغار
على الماكل وياهم عمري يتمرد
جنت من القليلين الگلوبهم بيض
الك كل الفضل سويت گلبي اسود 
وكلش تنحسبلك علمتني شلون 
اوصل مرحله ما انصدم بحد
وهنه اول ايام اثكال على المسجون
وبعدين ابمرور الوكت يتعود 
بس ما عودتني شلون اگضي اليل 
والك ما اعرف انام وماكو يمي احد
غرفه بدون وجهك غرفت التحقيق
اطبلها بس اطلع امدد
ومرات البرد مو شته من الحرمان 
وعلي ترجف اعضاي اشما اصير ابعد
بس من تقترب تبدي الانفاس اتفور
ابثلاجة الموته وياك ما ابرد 
ابضهر خيط من اصيرن كمت ما انشاف
الجفه ما خله بيه وداعتك گاضي
وهاي اعله الضرف كاتبلك المضموم
ماكلفك تفتحه يجوز مو فاضي
ايدك وره اضمها من اريد اكودك ليش
احسك للمسيرينه للقاضي
 #رحيق💔🥀