26raxr

اشتَاقييت انشُر اشعار بس مالي واهِس…

26raxr

- اذا باچِر مِتِت والكاتب الله يصير .
          - وجابوها الجِنازه مِحَمَّله لأهلي .
          - وصيتي اكتبها للعِدِّين اخايبها .
          - وترا كِلمة فَرَح ما راح أحِط بيها .
          - خَلّو جِنازتي يَم أمي باللِّيل .
          - مَحلا النُّومه مِن اسمع نواعِيها .
          - لـ تِأذوها بحچايات تِنگال .
          - اليِگول حُروف اسمي يريد يِسبيها .
          - وابوي الأصْدَق من حچايات السَّكران .
          - أبو عين الحنينة الدَّمع يأذيها .
          - لا يِبچي عَليه ولا يِدَنِّگ راس .
          - يِضَل شامِخ أريده الدَّمعه يِخفيها .
          - ومِن أوصَل لـ كُبري لا تِجِف لِعيون .
          - ترا گاع المِگابِر دَمعه يِرويها .
          - ولا يِنسوني اخوتي شِما أطوِّل غاد .
          - آنه روحي حِنينة الدَّعوه تِحييها .

26raxr

يلوموني
          وأحسك تكبر بروحي
          ويلوموني
          وأنا بلا شوفتك
          شينفعن عيوني؟
          يا شوفي ورجوتي ودنياي
          ودنياتي ولوني وعذابي
          وبسماي وشكواي وضنوني…

26raxr

گُمت أتـخيَّلك تِرجَع
          وأحاچِيك
          وأسولِفلك الصَّـايِر مِن عِفتِني
          عَلى يا هِي أعِـذرَك؟
          صارَن هواي..
          بَس حچايَة أگِلَّك
          ضيَّعتِني