أخذني من التعب للفي 
أخذني وخلي اصير إنسان هاي الوادم تغثني
زتوني عله كل سرداب ماجني مثلهم حي!!

وانه بغربتي وخوفي
إذا مرني رسم طاريك افزلهم بخور وضي

واكلهم بعد شكتبله ويردني

وارجع من جديد اسال
ليش شما ورد طكيت وحدي اذبل

وكاسرت العتب بالطيش
خاف من العتب تزعل 

ويبان عله خدك لون
واذكر الشمس بالمغرب من تغيب من تخجل

يلجمني النشد ... والبوب تلجمني 
وامنيتي من ارد متعوب
حمام بكل ضريح الكاك تنطرني
واكلك ياتنين الروح شنهي العطلك عني
شنهي البدل ضنونك ... ورسم غيري عله عيونك 

وحزن عيونك مغليك
ومجمل سمار الطين

لاميت وارد انعاك ... ولامحسوب ع العدلين

كتلك ريض بممشاك 
شيرده العمر لو فات

من عفت الرسايل ذيج
التعب بسمي لكيته يبات

وانته بكلشي باقي وياي

لا باب واسدك واختل بروحي
واخلص من يمر طاريك

ولا شمعه واهبن ريح حته اطفيك

ولا غالي وارد بعزاز روحي اشريك

كافي تعيل
كافي شما يهب الريح كذله تميل
كافي ترخص بحزني
لا ماخذني من الناس لا من حزني ماخذني
لسه وماتبت منك
بعدني شما يمر طاريك
ارد سكران وبحزنه بده يغني ....

بقلمي💔