مـٰوُࢪڤوُ

اكرهك

اريد ابجي تعبانه

¹²ـنسيان:
          .
          .
          .
          .
          .
          .
          بعد فترا طويلهه هم خليتني اجي اكتب.!
          ما ادري ليش كل ما احتار لو اتعب اجي لهنا وارجع اقرأ الكاتبته.
          اليوم وبعد مرور تقريبأ شهر وصلتني رساله منك.!!!
          بيها اسمي ههه ما ادري شيدور براسك بالضبط ولا أدري شتريد تسوي لو شنو الفكره من بعدك موجود بحياتي كل انسان اله حق الاختيار وأنتَ اختاريت واني ما اعترضت ليش بعدك موجود بحياتي؟!!
          مطرت اليوم من وصلني الاشعار منك ما ادري شصار بگلبي عرفته بعده يدگ الك بعده مسجل باسمك عرفت نفسي مو بالسهوله المتوقعتها ادوس ع گلبي من شفت رجفت ايدي واني اشوف رساله وشلون ضلت ثواني ونحذفت
          اعترف!! 
          دگ گلبي بس مو ع حساب نفسي ضحكت منتصره ما اجيتك وخليتك أنتَ تجي تدري!!
          من رحت لليوم واني ما دعيت عليك أبد كلت الله يهني بس تدري شدعيت من كل گلبي دعيت ربي يزرع حبي بكلبك حب  الي يخليك ضايع وما تندل دربك ويخلك تشوفني بس اني ههههههههه مو حبا بيك لااااا!!!
          بس حتى اردلك كسرت گلبي حتى اخليك تحس بالوجه النايم بي تستاهل كلشي يصيرلك 
          حيلل ندمانه عله حبك وحيلل گلبي ياذني كل ما اذكرك اتمنى من كل گلبي تحبني صدك بس حتى اردلك الوجع وتعب
          تدري حسين.!
          بعدني كل ما اشوف ايدك بيدها گلبي ينغبض وروحي ضل تحوم مفرفحه مثل طير مذبوح 
          بعدني بعيوني حب الك بس اني ما اريدك بعده گلبي كل ما دگ صاح اسمك بعدني ارسمك بيومي مثل قبل اني تعبت حيل تعبت بس امثل القوه حتى لحد يگلي ليش شايف الخايف يضيع روحه بس اني روحي ضاعت وانتَ سبب ربي يحطك بمكاني وصار بيه يصير بيك وبنفس الحيره والخوف ضل.

اريد اجيك واكلك هاا هيجي ارتاحيت؟!
          اريد اجيك واكلك هيجي جازي حبي؟!
          اريد اجيك بس تدري شنو؟!
          اتذكر أنتَ ما تسوا اتعب روحي علمودك اكثر من ما اني تعبانه
          غيرك شكد رادوني بس اني غيرك ما ردت 
          الله يهنيك بغيري 
          بس صدك ما اتمنالك غير الخير هاي هيه انتهت بعد منا واكطع دموعي ما غزرن بيك اريد يغزر ذكره هههه 

گلبي حيل ياذيني كلها دگول ما يستاهلج واكلها دگول أنتَ انسان ما تستاهلني
          .
          .
          چا وگلبي؟!
          وگلبي الحبك هيچي تجازي حسين ونبي تعبت أول مرأ هلكد اگول تعبانه من كل گلبي من حيرتي ما اعرف شسوي
          تدري شنو؟!
          بنص اهلي وابچي عيوني دمع وگلبي مغبوت ترضاها واني ما قصرت وياك بشي؟!
          ليش علقتني بيك اذا عندك غيري ولككككك اذا تحب غيري ليش خليتني يمك ليش ليش ؟!
          .
          .
          تدري شصار بيه من شفت ايدك بيدها تدري گلبي شلون ضل يدك تعرف نشغت المكسور من اعز ناسه؟!
          ولك تدري الغصة ودموعي شگلت لروحك ؟!
          ما حاجاك گلبك من حطيت ايدك بيدها ما تذكرتني هل ايام كلها ما اجيت ابالك جنت اهتم باصغر تفاصيلك 
          ما شفتني كدامك ما شفت كسرتي البعيوني 
          شيهمك هااا؟!
          شيمهك حسين مو گلبي تعب كلشي ما فاد كلشي عشته يمك جذب كل حجيك وكلامك وتصرفاتك كلك جذب من راسك لساسك ما بيك ذرت صدك.
          
          ما تسوأ دموعي ما تسوا وداعت عيوني الحلفت بيها ما تبتعد وداعت كل مرا گلت بيها اني الج وجذبت أنتَ ما تسوا وداعت كل شعور عيشتنيا وداعت حبي الك ما تسوا 
          ما تسوا ههه
          
          من صدمه اضحك مدري ابچي گلبي يگلي هاا هيجي كافي لو تردين بعد ؟!
          
          كافي شفتي لو راح تعبين بعد 
          من عفتك ضنيتك تتعنالي ضنيت راح تجيني ودگلي وينج وليش رحتي ما دريت روحتي منتظرها ما دريت اني هلكد جنت واكفة بوجهك وما تريدني
          
          چان كلت چان حجيت ولا سويت هيجي چان كلت اريد ابتعد ما چنت راح اچلب بيك ولك گلبي گلبي موتني حسين الله ياخذني عله هاي سالفة 
          
          هههههههه تدري شيضحك اني ما مصدكه بشي اني ما مصدكا كرهتك انتهيت بگلبي روحي خلصت هاي هيه افرح اخذت تريده دمرتني ومشيت وما التفت وراك 

⁸ــأذار:
          .
          .
          .
          .
          .
          چان يوم طويل درست بي هواي ربي ينطيني عله كد تعبي وما يضيع كل هذا سهر ودراسة بالهوى.
          
          ـ كفخة ادراك.!
          شايفين هذا اليستوعب انو يعني ليش هلكد متعب روحه؟!
          شوف هسه محد راح يفهم لان ربط المواضيع عندي "هوسه
          المهم مساع صافنة بين انو اني ليش وشنو وين تمام.
          كعدت اسئل نفسي كم سؤال من ضمنهن:
          "هوا حاول علمودي؟!
          "سئل؟!
          "برر؟!
          "انطه سبب؟!
          رغم اني ما اشوف نفسي غلطانه بس بحجت لو رايد يعاتبني هسه ما اكول هوا غلط بس اني من ابتعد بحجت اعاتبج وجاجيج يابه؟!
          المضحك المبكي اصلا ما حاول.
          منين ما ادورها اشوف نفسي اني شكد غلطانه من جنت احسب لكلشي يمه!!
          زين عوفك من كلهن مرات الانسان مهما يكن بس من اكو شخص بحياتك وفجأ يختفي وما يضل اله اثر يزعل يتأثر ولله كل ما اشوف اشوفك هذني كلهن ما عندك تدري شكد اتندم حبيت انسان مثلك؟!
          ولك بالچذب ما حاولت هيجي اني چنت شي زايد بحياتك؟!
          هلكد چان وجودي وعدمه مو مهم؟!
          كلامك يمي ما بي نقطة صدك؟!
          حُبك الي وهمتني بي كل بس حچي؟!
          ولله عجيب شما أحاول انطيك سبب ما جاي الگا متخيل اني الي تنطيك سبعين عذر هسه وبهل لحظه ما عندي عذر واحد الك؟!!!
          مدري افرح مدري ابچي عله الجاي يصير حالياً 
          رغم كل ما افتح انتظر رسالة منك رغم ادري جوز حتى مستحيل اشوفها منك بس شايف هذا اليكلك اني ما مقتنع اكيد عنده سبب حتلو جذب بس عنده سبب.
          ما ردت اطلع بالفشلة كدام روحي ما تستاهل مني شي لا حب ولا اهتمام لا خوف ولا انتظار حتى نظره مني ما تستاهل ياريت تشوف هل كلام مو علمود شي لو علمود يعذبك ضميرك لا بس حتى تشوف نفسك شنو چنت الي وشنو صرت اكثر عباره بحياتي أامن بيها من عفتك كلت لا جوز اكو امل 
          "كلشي رب العالمين يسوي بحياتنه اله اراده بي"
          جوز هسه اني جاي اشوف كلشي صعب بس رب العالمين من قواني حتى ابتعد عندك چان اكو اراده بهل شي 
          ويا كل هذا اگول جوز اني ما استاهلك ربي يهنك بالاحسن مني الانسانه الي تملي عيونك والي تحبك وتهتم بيك.
          .
          .
          .
          .
          
          

اريد ابچي تعبانة حيل اني أريد انسى لا تجي ابالي ترا تعبت أول مرأة اتندم احب شخص هلكد من اشوفك شلون مكمل حياتك ولا چني چنت موجودة بيها ولا چنك چنت دكول شلي بروحي اذا مو أنتِ بيها معقوله كلامك كله جذب معقولة وهمتني بكلشي يمك ؟!
          
          ما حاولت ما جربت ما سئلت نفسك هلگد اني ما اهمك چا وكلامك الغصه بگلبي مو بالحچي دموعي يمك ضحكتي خوفي كلهن ما همنك ؟!
          
          چان من البداية لازم ابتعد بس چنت انطيك بكل مرا عذر خلصت روحي واعذارك ما خلصت 

00:00
                "ضياع

ردت احذف محادثتنه وكل صورك بس شفت روحي كعدت اباوع الهن وگلبي يدك حيل مو هين وعيوني انترست دموع اشياء اجمعهن جنت بكل حب هسه اريد اتخلص منهن وما اكدر؟!!!!

فـبرايـر ¹⁴
          امممم مثل هيجي يوم الـناس تحتفل بشي اسمه عيد الحب رغم اشوف هل شي ماله معنى لآن الحب مو اله مناسبة يلا تنطي لشخص معين وهوا شعور بداخلك يكبر كل يوم اكثر للحد الي توصل بي مرحله تشوف دنيا بشخص ضحكتك تنرسم عله وجهك من شوفا موجود وقلبك يدگ حيل لمن تشوف اهتمامه بيك من دون كلها توصل مرحله تشوف كل تصرفاته اشياء مميزة رغم غيرك يشوفها اشياء عاديه احبك مو مجرد كلمة اكولها وتنتهي الف شعور يجي وياها دگات قلبي يمك خوفي اخسرك خوفي ما اشوفك لو انحرم من ضحكتك خوفك اهتمامك كلشي جوز هيه مجرد كلمة بس من صدك هيه عندي هواي كومة مشاعر واحاسيس تتجمع بكلمة وحده والي هيه احبك
          
          ما اعرف احجي كلام حب ومدري شنو بس الاعرفه اني هووايه احبك ابن حنان كلش هووواي لدرجة جبيره وميته عليك ما اعرف شلون اعبرلك عن كمية المشاعر شايلتهن الك رغم شكد اكو مرات ابچي بيهن من وراك لو انقهر واضوج واحس روحي شي زايد يمك وشكد اكره هل شعور وما احب افكر بي رغم شكد تختفي وتغيب وتروح ايام هوواي وبيهن افكر بالف شي بس كل شعور مو حلو يختفي من تجي ما اتذكر شنو سبب ضوجتي لو ليش اني زعلانه لو ليش اصلا بجيت ما اعرف اعاتبك واكولك لا تروح احس مالي حق بس ونبي هواي اشتاقلك اني وهواي ابجي من تروح
          
          بس أنتَ ما يهمك استغرب شلون دكول احبج وانتَ عندك تمر ايام هواي كلش وانتَ حتى شلونج ما سائلني ما تعرف اصلا شيصير وياي
          
          كلت بعد ما روح حسين علي مو أنتَ حجيت وحلفت وداعت عيوني ما تروح؟!
          زين شو هم أنتَ ماكو شنو سبب مني لو لان اني هوواي احبك واحسب لليوم الف مرا وانتظره يخلص حتى بلكي تجي بالورا لو لان اني انتظرك واشوف دقيقة بمثابة يوم