استراحي براحتي "
و جفني العليچ يميل ضلّه .
و حلّي محبوس الشعر .
آني استحي مِن الله مِن احلّه .
شيلّه زنودچ وزن للكون .
خاف يميل , وتبيّن بحال الزمن خلّة .
و يالاصابيع جكاير (كنت) .
مِن تومي بزعل يتطّشر الباكيت كلّه .
إنتِ رُوحي وراحتي "
و آخر نده الـ عالورد ينزل .
إنتِ ليلي ولالتي وتفاحتي الجمعت حلاه الشمس والظل .
يلّي رمشچ يجمع خيوط الفجر .
بتّ ويه بتّ وبيها يغزل .
يلّي صوتچ غفوة الغبشة .
و خمر تينة نده وبيّن فعلها براس بلبل .
يلّي بعيُونچ عزم مهرة عربّ .
مِن تشم ريح الطيبّ تصهل .
يالحلاتج سومري يفوّح بخور وطيبّ .
و شفافچ توجّ بالبوس فلفل .
ياغُصــــن مَضـــــنـــوك .
ماشايف غُصن هاكثر يحمل .
كل كتر مِني اشتـــــــعـل .
و الكل يريد يذوبّ بالكل .
و كل كتر منچ نبض فحطان .
و مكهرب وبس ينجاس ينتل .
ياحبيباتي العُذر لـ لله .
الحلاوة البيها تكتل .
توعد وتوفي وتوچ شمس بشمس ما يوم تنكل .
خوفوهة محبتي ودكت رجل لليكره ولليحسد وللراد يعذل .
و شتت ومطرت فرح وأمتلت رُوحي البور سُنبل .
_عريان السيد خلف .
