..

https://www.wattpad.com/user/hvdjfbfb?utm_
          متابعه او تجديد
          طرف صاروخ.in
          الي يتابع انطي جكليته ☺️

لو خبرَ منك يجيَني
           الناسّ تِعدل مِن جديد
          ضوة يبيَن مِن بعَيد 
          مُطر ينزل ، شمسّ تضحك
          المشانق تنصُب مرجوحه 
          لأطفال الشهيد
          الورِد ،
          الورد يطلع بالجماجم 
          لو تجيني
          واقدملك أعتذارِي
          وإنكساري وكُل حنيني

انا بفترة غرامك
          كُلشي ما خليت 
          بعت كُل اليغثك خاطر العشره
          وعفتني انت بحر مابي جرف ينشاف 
          بلعت الموس هسه وحاضن الجمره
          وجع روحي انفضح ليش استر السويت 
          بـ الحر ما تذله وينتقص قدره 
          ابرگع عيني من يفوت غيرك جان 
          وكت هسه عليَ تستحسف النظره؟

تِذكر من كَلتلي
          الفُرصه مَره تصير
          تَوني استوعبتها وحَللت قَصدك
          يا فُرصه حياتي البعد ما تنعاد
          رايح للابد لو كلبك يردك!

جبت عمري قوي وبعيونك اتهدد .

من اشوفك
          حسبت حضنك يصير گماط
          وتدگ روحك صليب بضلعي بالشبگة
          واشد من غيبتك
          ماصخ طلع ملگاك
          اجيت وجدمي ليل !
          ودمعتي تسبگة
          انة مالح ! 
          واغزر من ادوس الگاع
          شني ماغزرت وياك بالملگة؟

انا الخواف يادنيا 
          انا الخواف من كلشي
          لو احلم حلم مو زين ،
          انا ارجف گبل رمشي 
          ادگ بالباب الف رزة
          وافز بالليل الف فزة 
          وتعز روحي واگل للخوف ظل بالبيت
          وانا امشي ، انا الخواف يا دنيا
          أنا الخواف مِن كلشي .

راقبتك وللأسف 
          عينيّ التحبها بچت
          وبصدمة فات العقل 
          وهواي أذاني
          اتأذى من أكتشِف 
          عندك حقيقة چنت 
          ما أدري بيها أني .

الهَوىٰ يلتم عليّ منين ماذكروك 
          وأدگ رجلي وأضل بعازة الخنكة
          واغُص بريّحتَك ماگمت اغُص بالزاد  
          المفارگ النّسمة العابرة تغرگه 
          مو بس الصواب النفسَ هم كتال 
          سهم يمشي الخريف برّية الوركة .

ترس روحي الضباب وبينت وياك
          كلي بروحك امشي وجرحي ما شفته
          انه بلنسمه اعثر وانت قيس الحال
          مو جدمي وراك خيالي ما شلته
          واجي بواهس عذر وحروفي مني اطيح
          واتبده على وجهك مستحه وسكته
          وانخل غير وجهك واليطيح تراب
          وانكتهم واهزهم بس تضل انت
          رمح فركاك اجناني مسابك ويه الريح
          ماقصرت تسلم بلنفس جبته
          بس المحترك يفهم حجي الدخان
          يعرف حرورته ويفهم سبب علته
          مثل عاشك بغربه ومره وكت غروب
          يفرفح من يمر طاري الهوه يموته
          انه بخصر السنابل جم حلم ضميت
          وطعم شبكت المنجل من رحت ضكته
          الندى عمره مسافه ومن يطيح يموت
          وانه بعمر النده وفجرك وصل وكته
          اذا فوك الورد لو فوك صخره يطيح
          ما تفرق بعد لو عمري طيحته
          انه مبلل عشك يليبست ملكاك
          رحت وخيال وجهك عيني حاضنته
          واضفر بلخلك بلكت كصيبه يصير
          وضوه جفوفك بصدرك الكاعه ضافرته
          واغص بليل واكصر والمسافه اطول
          واجي وتعثر عيوني بكل اثر عفته
          واجي مغيم سهر يمك وانكط ليل
          وطرت مو بلسمه لا بلحجي الكلته