@7rxll_
شفت ريلز يگول اليصحى على خبر وفاة راح يودع جهازه العصبي اربع سنين ليگدام و تذكرت شغلة تمنيت ما انتبهلها بس للأسف تتذكرتها مثل الحلم بعدين استوعبت انها حقيقة بس ناسية واللي هي بعد وفاة بيبي يمكن بقيت فترة افز من الصوت او اتخيل صياح يشبه صياح امي الگعدني بيومهت بس مو هو ماعرف اذا الدكرى حقيقة او لا بس أتذكر ان جان اكو هيج حديث، و أدركت ذكرياتي بآخر أشهر من ٢٠٢٠ شبه مفقودة، لذلك كل الأحداث القبلها احسها حيل بعيدة عكس البعدها احسها قريبة غريب بس فعلًا جهازنا العصبي يهلك ويحير شلون يحمينا.
امس رجعت من وكت ومستلمة خوش سعي وسبحانة ومصلية ومتغدية ونايمة وگلت شريد من الله بعد؟
ها ابو الكوستر مشغل ياس خضر وابو التكسي قبل لا نصعد اذن فهو ونواف رددوا الله اكبر ومن صعدنا ضل يدندن موسيقى طفاج القدر كلش يضحك
ونوفي منتظرني من انزل كالعادة يفتحلي باب التكسي ويصعدني يلا يصعد وطلع غدانا شبزي على لحم مرگتي المفضلة وما خلاني اغسل المواعين ):
كلش مقهورة
اعصابي مشدودة بشكل دائم
متهسترة
الضغط جاي ياكل بية
عقلي يريد يطگ
اريد بس اخلص
بس ما جاي حتى احصل نتيجة زينة
كلشي يؤدي الى الإنهيار
بس احاول اگول ميخالف ميخالف
بس مقهورة وحاز بخاطري كلشي
وبعد احتاج جهد هواي ..
من بين كل المديح والإطراء الاسمعه بالدوام ألطفهن
أحسچ اُمي حنينة ودافية ❤️
على طاري الأم
اليوم كله احسب بعقلي يمتى ممكن تصيرلي فرصة اگدر اسوي بيها كيكة نمت الظهر وگعدت امي صاحتلي اكل كيكة توها سوتها
والله مادري
بس اليوم من عبرنا بالطريق الخايفة نعبر بيه أشرتلهم وحتى صوتي رجف من رجعت للبيت نمت وگعدت وتذكرت السالفة وبچيت
اوف شحچي وشگول ومنين ابدي
والله يا گايز طالعة الدنيا من عيني وحياتي هالفترة مدري شونها من ورا الكُلية والله كريم بعد شبيدي
عندي أُمنية اريد احققها قبل لا أموت
سيارة وانا وابوي بيها ومشغلين اغاني لأن ذوقنا راقي
مو مهم ان جانت سيارته او سيارتي
3rd of December
المهم بدايته ورا امتحاني تمشينا بجو حلو وبعدين رحنا للقصور الرئاسية علمود بيه مركز تأهيل وجان الجو خيالي عبالك طلعت برا العراق
وبالطريق هواي تخاطروا وياي وشغلوا اشياء اريدها
مثلًا فرحة مهدوية وصابنا انا وصديقاتي ضحك هستيري لأني حافظتها اكثر منهم
وبعدين شغلوا اول مرة تحب يا قلبي ودزيت بگروب الدفعة حتى ما يغيروها وصورت فيديوات حلوة عليها
حرگت احلامي وظنوني
ردت اكتب بأكثر من محادثة وبطلت
ليش ما چنت ادري انه آخر خريف الي هناك؟