7rxll_

الهشاشة النفسية بأبهى صورها..

توسلت بعقلي وتوسلت بعيوني 

جاي أفكر بموضوع وميتة قهر وحيلة والغصة خنگتني والدموع بدت تتجمع ضليت ارجف واتوسل بروحي لا تبجين! لا تبجين حتى لا يكبر الموضوع وافكر بيه أكثر اگول روحي فدوة لا اش اش 

وغصة ودموع

بس الحلو هسه افكار الانتحار هدأت شوي صرت اتعايش وي هاي النوبات اليومية من البؤس برحابة صدر 

ماريد افضفض ولا اتواسى اعرف كلشي انا بس تعبت كل مكان اريد اتركه ومن اتركه اتعذب بفراگه والله روحي تعبت من الفرفحة اليومية

اكتشفت الدموع تخرب السكن كير

اول امس جنت وحدي بالغرفة اصفط غراضي وابجي بعدين جنت يم اخواني وطلعنا فيديوهات قديمة النا وضحكت الى حد البجي رجعت اصفط غراضي وانا بخفة الريشة رغم السبب ما زال بس هونوه 

وقبل جم يوم راح ابوي للسوك حتى يستلم الراتب هو يروح مرة وحدة للسوك كل راس شهر ، اجه جايب كلشي گايلة گدامه مشتهيته او رايدته حتى اللي ناسيته! 

بمحرم كلش اشتهيت نومي بصرة ولبن واخواني ما يجيبولي وحجيت بالصدفة گدام خالو ثاني يوم جنت وي امي بالطبيب رجعت ابوي گالي خالج جابلج سفري نومي وضميته بالثلاجة
            بعدين فد يوم ابوي جان طالع واخوي وياه وخلاه يجيبلي لبن ومحلبية وليدي 

انطيت السايق كروته الصبح وما رجعت وياه لأن صارت عراقيل بالطلعة واضطريت اتأخر ورجعت بلي مع القليل من التقفيص وضيعت خمسة بالمطعم لگتها صديقتي

اول مرة ينترس جوزدان الدوام لدرجة احير شلون اسده (:
            جوزداني صغير واقوى مبلغ مخليته بيه خمسة بس باجر لأن اخير يوم فكروة السايق وفلوس الطلعة الاريد اطلعها وي صاحباتي ترسنه وهالشعور خلاني ادعي بالمستقبل يكون عندي راتب لدرجة اطلع وهيج جوزداني متروس♡ 

ميخالف الله يشوف..

گلبي عطب وهسه عيوني تگب من الدموع (:

وانا احق من الكل بأن اكون هناك..