طفي الماطور انترس التانكي🧿.

اتمنى تعجبك روايتي https://www.wattpad.com/story/400228504?utm_source=android&utm_medium=link&utm_content=share_reading&wp_page=reading&wp_uname=Tokito_Akemi

الواتباد طفىه طفيه ماصايرة 
          مُقارنةً بقبل سنتين او تلاثة چان متروس حيوية أحسه 
          وبنات واعية وفاهمة واغلبهم أعمارهن البنات چانن بحدود الـ١٨ و٢٠ ومافوق مو نفس هسه متروس مراهقات وعقليات فارغة واكبر عمر بيهن حاليًا مايتجاوز الـ١٦ وحسرة عليچ إذا تنتقدين فد مشهد من رواية إذا ماكبن عليج ماعدهن حرية الرأي ماعدهن هذا المفهوم عقليتهن محصورة ع شي واحد وع فهم واحد عجيبة ع العموم مفتقدة الواتباد حرفيًا من احچي الكلمة اعنيها ومشتاقتله كومة بس ماجاي اكدر اكمل بارت واحد من اي قصة ! مدري الخلل وين ! چان أملي بالكاتبة رُسل فهد چنت اعتبرها احسن وحدة بالوسط حاليًا لكن خيبت أملي باخر قصة الها شنو هالسرد الرگيك يعني انصدمت من كمية السخافة بالرواية الأحداث الأقل من عادية كلت يمكن لان اول بارتات وبمرور الوقت تتحسن لكن انصدمت بقت ع نفس الحال وحسيت كمية چذب فظيعة بالقصة يعني شنو صاحبتها تگلها هيج وتكوله ويجون يهدون عليهم ومادري ومادري أريد رواية حرفيًا تأخذني لقمة السعادة اريد انبهر اريد شي مُلفت مليت شنو هالمسلتة الى اين ! 

بعد منو بنات يا

والإن بـ زهراء السلامي المُلقبة بـ"زازا"
          
          زازا تعرف شنو نقطة ضعف المُراهقات وتعرف شنو يحبن ويجذب انتباهن فلذلك تشوف رواياتها واصلة الملايين أما إذا ترجع القصص زازا ف راح تشوف كمية تشابه موطبيعي بالٱحداث وشلون هسه تكولون هسه اكلكم زازا مشكلتها من تكتب رواية ماتطلع من أحداثها وأسلوبها وخصوصًا اذا القصة تلقت مدح ومشاهدات ع سبيل المثال قصة ذيب بابل حصلت مشاهدات عالية وهيه چانت بداية نجاحها فـ حاولت تكتب قصة قوس الي ع نفس الموال وهم ضابط وكلاوات اخرية فـ اي وهم تكررت بقصة الأطلس خوب الأطلس هم صارت ضچة عليها وخبصة وهم رجعت كتبت قصة أبناء الحسوم وهم شي مترابط بشيء وكلاوات لا نهاية زين واخر رواية إلأمارة مانكر حلوة عجبتني احداث جديدة حماسية وأسلوب كتابتها جيد لكن گ واقعية واحداث حقيقة فـ لا ماكو شي بيها يوحي للواقع هسه ميخالف متفقين ع العراق بي اشكال والوان لكن لا ماتوصل ع عموم روايات زازا مرات يعني أحسها فد چيب خصوصًا رواية أبناء الحسوم حرفيًا لا يعني تحاول تكتب خارج الصندوق وكذا لكن ماتوفقت بهالشي ع رغم المراهقات يطبللها لكن حقيقة احداث رواياتها استصغار بعقلية القارئ وچذب عقل المراهقات نقطة راس السطر خل نكون متفقين ع هالشي أما إذا تسألوني ع افضل قصة كتبتها ف راح اختار ذيب بابل لأن حرفيًا هالرواية غير وأنه وقتها كنت اقراها وقت نزولها مشاهداتها چانت حتى مو عالية حبيتها حسيت بيها نسبة واقعية لكن كلشي تصعد مشاهداتها وكل العالم تعرفه يخرب وهيج بالنسبة إلي 
          وهسه تجيني كم وحدة تگلي احنا ندري بيهم چذب بس نتونس من نقراهن اوك ياحبيبتي أنه ماگايلة  شي أنه جاي انطي رائي ☺️وبالنهاية هم تحياتنا لزازا

حبدي بـ أساور حسين 
          اساور اخر سنتين حرفيًا ادائها بالروايات متراجع وقصصها ماتوحي للواقع ابد واضح قصصها خيالية بنسبة ٩٠٪ ، بدتها من قصة الرياش الي حرفيًا استصغرت بعقلية القارئ بيها من تسلسل الإحداث والكذب وتطبعها بالدراما التركية ع رُغم هيه مبدعة لكن من أخذت هذا المنحنى خربت بنظري ، اليعرفني يعرف شكد چنت مبهورة بإسلوب اساور بالكتابة لكن استصغرها بعقلية القارئ اخر سنتين موطبيعي ع رُغم هيه تلقت مدح هواي ع قصة الرياش لكن اعتبرها نقطة سودة برواياتها افضل رواية كتبتها للإن "تجبر احفاد الدليم" الله الباقي لا شيء يم روايتها هاي حرفيًا بدعت بيها وأكثر قصة انبهرت بيها وللإن  مبهورة بيها لكن من قررت تتجه للقصص المافيا والعصابات والمرأة القوية خربت انتهت واخر رواية قريتها والقران ماكدرت اكمل بارت من كد الملل والأحداث المتكررة والأسلوب الرگيك وكلها متوقعة حتى الحوارات حرفيًا وصلت لهلنقطة اساور ، تعتبر نجاح القصة يكون بقوة شخصية المرأة والكل اليخضعلها وهيه المسيطرة وتعالوا صممولي لا يابة موهيچ هسه ميخالف درينا بكل القصص چذب وتسفيط بس مو لدرجة استهزاء بعقلية القارئ يعني واحد يحتار شنو يگول خلي قصصچ معتدلة وتحياتي طبعاً لـ اساور 

اريد انطي رائي بالكاتبات الي بالوسط
          قديمات وجديدات☺️وبالنهاية احنا ببلد دبلوماسي يحترم حرية اراء الإخرين فـ هيه الدنيا اراء بنهاية واحترموا ارائي 

راح اخذ شاور دافي 
          واشرب ايس گوفي صحيح بارد بس لا بأس ماكدر اشربها حارة ، واتغطى واشوف كيدراماااااا 

شششششلون يخف الالم 

شلون يخف الالم بنااات 

هيه الدورة تلعب بالهرمونات لو أنه حساسة صايرة