د.مريم✨

هاي ليش عود تضوجوني بعيد ميلادي ⁦༎ຶ⁠‿⁠༎ຶ⁩⁦ چلاب هو وين صاحلكم مثلي بحياتكم وتزعلوني غيركم اني بحياتهم يطشون چكليت ويزرعون ورود اي مكان امشي بي همداكم ياحمير ⁦ಠ⁠ ͜⁠ʖ⁠ ⁠ಠ⁩

هاييي منو دخل ٢٤ سنه؟ اي اني كل عام واني بخير وصحه وسلامه يارب يارب السنه الي تجي اني ادخل ٢٥ محققه كل احلامي يارب 

اليوم شفت طلع قبول الطلاب والكل ديجهز للدوام واني طلع قبولي قبلهم وراح اترك احس گلبي ⁦༎ຶ⁠‿⁠༎ຶ⁩ بس عادي مو اول مره وعسى ان تكرهو شيئا وهو خير لكم بس قدمت بمعهد الصحه العالي مدري الثقه الي عندي مقدمه بمعدل ٦٧ ⁦ಥ⁠‿⁠ಥ⁩ بس يلا هسه واذا يجوز يطلع واذا ماطلع الله يعوض السنه الي تجي 

يارب تعدي هل فتره واكمل دراسه بخير وسلامه يارب مايصير اي عائق يارب 

الحلم الي انتضره شبه جاي يتحقق بس الضروف هل مره هيه الي تريد تمنعني ⁦༎ຶ⁠‿⁠༎ຶ⁩ حرفيا من قدمت وطلع قبولي ولليوم احس بضغط چبير طلعلي قسم لا على البال وعلى الخاطر اصلا مسامعه بي نهائيا دااحاول اقدم موازي وعلى الله بعد ادخل معهد سنتين واخلص بسرعه اتمنى من كل گلبي انو الدنيا متخيب ضني ولا تكسر خاطري ويارب كلشي يتحسن ويمشي مثل مامخططه يارب يجي يوم واكتب عن يوم تخرجي وتجهيزي للتخرج يارب 

باچر اول خطوه الي بالجامعه ⁦>⁠.⁠<⁩ حرفيا لو شخص يگلي قبل سنتين انو انتي راح تقدمين وتنجحين وتوصلين للجامعه اگله چذاب اليوم اني فخوره جدا بنفسي وصلت لهل خطوه ويارب عقبال المرحله الثانيه والرابعه وكلهن يارب الحمدالله دائما وابدا

اتمنى اكون بعد فتره افكر بالقبولات وملابس الجامعه  ) هاي الكلمه الي چنت احجيها قبل اشهر والحمدالله اليوم صارت يارب تجبر بخاطري ويطلع قبولي بمكان زين ويناسبني يالله يارب ياكريم ✨

الاعلان بعد لو ٥ ايام لو ١٠ واحس گلبي يرف رف يارب بدايه خير الي واتوفق يالله ياكريم وتصير حقيقه واطون من ضمن الاسماء ياللله ⁦ಡ⁠ ͜⁠ ⁠ʖ⁠ ⁠ಡ⁩

جنت معتقده انتضار النتائج اصعب شي بس لا طلع شي عادي اكو هواي شغلات يكون انتضارها اصعب من النتائج بهواي جاي انتضر شي يغير حياتي من ناحيه كلشي يارب يصير وارجع فرحانه يارب ياكريم 

البارحه دعيت رب العالمين دعاء من كل گلبي بحيث انثدمت اني شلون جاي اعبر بدعائي اول مره هيج وطلبت اشاره وااصبح اجتني اشاره اتمنى مايخيب أملي ويصير الي ببالي يارب لاتخيب املي يالله يارب افرح هل مره يالله