AAMMLL-

مكنتش عايزة اعترف ب ده بس انا خايفه اوي
            خايفه متأقلمش مع الوضع الجديد ده
            خايفه ابقي لوحدي ومعنديش صحاب بس خايفه من فكرة ان يكون عندي صحاب 
            خايفه اروح مشوار بعيد زي ده لوحدي مره واتنين في الاسبوع وانا بخاف من المواصلات 
            خايفه ميكونش ده اللي مناسب ليا وسنه وتشحتت في معهد تاني 
            خايفه مدخلش قسم كويس
            

مصدعه ولسه في تحاليل هعملها علشان المعهد ولسه 
            كشف طبي 
            مقابلة شخصية 
            تقدم الاستمارة ل مكتب شئون الطلبة 
            انا عيله صغيره بأمانة ايه اللي جابني هنا

بكره البشر وبكرهني لاني محتاجة اتعامل مع البشر 

@AAMMLL- 
            أحببت ~ _ تصفيق حار مع بعض الشرار _

@Rukoud  
            منطقية اسمي الأوسط ") 
            تسلم ويحفظك من كل شر يارب

@AAMMLL- 
            وجهة نظر منطقية ~
            وربي يسلمك من كل شر 

كمية العبثية وانا قاعدة استفرغ في الحمام وناسيه الايربودز في ودني علي اغنية في حاجه فيك ياللي شوفتك من بعيد في حاجه فيك شدت قلبي ليك، 
            حرفيا حستيني بموت مكنتش عارفه اتنفس 

شكلي وانا طلبت من بابا يعملي قهوة معاه وماما متعرفش انه بيعملي قهوة 
            ده انا هتهزق الدبل دلوقتي 

مش قادره بأمانة انا تعبانة اوي 

تيتا قالتلي لولا عندك دراسة كنت اخدتك معايا الغردقه..... 
            بأمانة يا تيتا انا اساسا مش عايزة اكمل تعليم علشان خاطري خديني معاكي 

لسه صغيره علي الهم ده بأمانة 

ركبتي وجعاني جامد..... 

الخطه ك التالي لو عندي دكتورة هجبلها ورده كل محاضرة بتدهالي ولو
            دكتور هجيبله كوباية شاي او قهوة اول المحاضرة 
            "طبعا بهزر انا هروح بالعافيه" 

انا مبقاش اسمي مهرا بقا اسمي نجيبه متولي الخوالي 101%

عموما الخطه ك التالي اكتشفت ان المعهد بتاعي سنتين بس ولو جبت في التخرج جيد جداً هدخل الكلية 

انا متفائلة جدا ⁶

ده انا لو مرات ابوها مش هتعمل فيا كده بجد 

انا متفائلة جدا ⁵

حقد ايه هحقد عليكي في ايه وانتي اللي قعدتي تقولي ل تيتا دي مهرا عليها شوية حركات مستفزة وسكت مرضتش اقول حاجة علشان تيتا متزعلش ف ابقي انا كده حقوده ده انا طلعت البلكونه علشان اعيط معرفتش لقيت تيتا جت ورايا وطبطبت علي ضهري لقيتني بنهار في العياط 

حرفيا قاعده مش بعمل حاجة لقيت اختي بتبصلي وتقولي بطلي حقد...... 
            يارب ارحمني برحمتك علشان انا تعبت 

طلعت نتيجة التنسيق.... 
            كنت عامله تقليل مناظر بس اترفض.... 
            طيب انا هادية جدا ومش هعيط

مش هتفائل تاني خلاص

لسه بكتب الجمله اللي فوق راح حصلت خناقه في البيت....

معرفش ليه صاحيه انهارده متفائله اوي رغم اني امبارح كنت نفسيا زي الزفت

انا حاسه ب قهره قلبي بيوجعني اوي

طيب يا ترا حتي حنيتك عليا وطيبتك كانت مش حقيقيه؟ 
            طيب ليه مثلتي من الاول انا مطلبتش منك حاجه أنتِ اللي قربتي 
            أنتِ اللي طلبتي تسمعيني، أنتِ اللي كنتي بتهوني عليا لما مكنتش لاقيه حد معايا 
            طيب ليه بجد ليه عملتي فيا كده أنتِ عارفه انك كنتي ممكن تبعدي عني ب مليون طريقه تانيه من غير ما تأذيني كده 
            بس لغاية اخر لحظه انا مسمحاكي مش يمكن انا اللي غلطانه في حقك 
            مش يمكن انا اللي وحشه في قصتك عموما كان نفسي اعتبك وقولك علي اللي جوايا بس مبقاش ليها لازمه اساسا مش مستعده اعرف سبب بعادك عني

ليه وصلتيني اني احس اني انا اللي غلطانه رغم انك اللي سبتيني 
            ليه بفكر ان كنت عملتلك حاجه تضايق رغم اني عارفه كويس انك مش فارقه معاكي... 
            طيب ليه لسه بحطلك عذر ومستنيه انك ترجعي تكلميني بنفس الطريقة، 
            نفسي ترجعي تكلميني حتي لو كان كذب يا ستي مش عايزاكي تكلميني علطول بس لما نتكلم كلميني زي الاول متحسسنيش اني انا الغلطانة 
            رغم انك اللي بعدتي،، 
            انا عارفه انك مفكره كده بتسعديني بس أنتِ كسرتيني اكتر ما انا مكسوره وقهرتيني ب برودك وانتِ عارفه انك الوحيده اللي كانت حنينه عليا

انا للدرجه دي محرومه من الكلمه الحلوه واللمسه الطيبه؟

انا مامت صحبتي طبطبت علي راسي روحت معيطه جامد

قلب التربيزه علي اي حاجه قولها حتي لو انا صح 
            المهم انك عيله مينفعش تعدلي علي الكبار