عبد الله محمود

من يصير عندك ذوق و احترام و اخلاق مو معناها انتة قديم او مثالي او قفل او ايا كان من هاي التسميات الي تطلع على اصحاب هاي الصفات 
          	
          	الي يملك هاي الصفات معناها هو ابن عائلة محترمة و اهلة ناس راقية و محترمة و كدرو ينقلولة هاي الصفات و يزرعوهة بي 
          	
          	معناها هو شخص راقي و عرف ينتقي الصفات الزينة  و يكبرها بداخلة 
          	
          	باختصار معناها هو انسان 
          	
          	لان كائن حي بدون ذوق و اداب و احترام و اخلاق و بدون احساس و انسانية = حيوان
          	
          	فتعلم لمن شخص يسوي فعل مو حلو مثلا نشر بمنصتك او سوى اعلان او اي شي تافه لتغلط علية و تتجاوز  لان هذا اسمة قلة ذوق لمن تتجاوز ع شخص ما متجاوز عليك ولا تتعارك او تتلاسن لسبب تافه 
          	
          	ديربالكم تفكرون بالمتابعات و المشاهدات على حساب ذوقك و ادابك 
          	
          	تروح تسوي فضيحة او تسوين فصيحة لشخص معين حتى بس الناس تشوف و تجيج مشاهدات و متابعات !!!؟ بعد هاي حركتج الكل راح ينضرلج نضرة مهينة و يشوفج وحدة دايحة او يشوفوك شخص دايح ؛؛ لان بس بنت الشارع الي تسوي فضايح للناس و تفرح بفضيحتهم
          	
          	تعلم لتتجاوز على دين ولا مذهب ولا قومية لان انتة كإنسان المفروض تؤمن بالحياة و التواصل الاجتماعي بعيدا عن النوع حتى لو تختلف ويا بس هذا ميمنع التواصل و المحبة 
          	
          	فقط الحيوان الي انيابة تبرز على غير نوعة و اذا ما برزت فأكيد ما راح تلكا يشارك حياتة وية غير نوع
          	
          	متلكة اسد يحب نمر و لا تلكة غوريلا تتأقلم وية قرد 
          	
          	هذا طبيعي لان هو حيوان ماعندة عقل ولا روح مثل الانسان  فأحنة المفروض مميزين 
          	
          	المفرووض مميزين 
          	
          	و تعلم هم شلون تختار الفاظك وية شخص متعرفة او متعرف علية جديد
          	
          	لتضرب ميانة لان انتة متعرف اطباعة شنو ولا انتة مقرب الة 
          	
          	احجي برسمية و بألفاظ حلوة ( صير راقي و لتصير حشرة )
          	
          	
          	هاي التصرفات الي ذكرتهة لاحضتهة بكثرة و هاي تصرفات  مو ادمية و يدل على ان انتة انسان همجي و متخلف و عديم ذوق و تعكس مستوى عائلتك 
          	
          	لتصير حيوان و حافظ على انسانيتك و ادميتك و اعكس صورة حلوة عنك و عن اهلك  أهم من المشاهدات و المتابعات