ALi-H90
حِنَت ظَهرَه الثِگال وماحِنَت ذاتَه
سَهر وال طال ليلَه إتعذْبَه ساعاتَه
لاواهِس بُقَاله ولا حِضالَه إبِشّوف
أبشرَك والخلِگ ضاگَت مَساحاتَه
دِنيه وجاي تِمشي امحَندِبه إمنالضيم
خطواتَه دَفِن بَس تِحچي حَسباتَه
وإصخام الوَجه مو بالفُقر والعوز
لا والشِلَع باب القوي إبرزاتَه
عیب اعلَه النهر مِن ینكِتل بِستان
وعيب إعلَه البَشر من ينَسه وگفاتَه
ينباس الخُبِز چي مَرمَرَه التنّور
وال مَچوي إبگفاه تِنباس شیباتَه
سِجَد لِل يِنسِجدلَه وما سِجِد لِل غير
والعوز إلتِفَتلَه وسِمَع هیهاتَه
نِطَه لِلگاع ظَهره ودلّل الگاع
وإيدوِّر عليها ابوجِه عَثراتَه
ماكو إخيوط حَتى إيشِّل ال إجروح
وحتى الگاع ماتنچِوي إبآهاته
يتمَنّه البَشر مِثِل الشِجَر وفّاي
مِن ضَحَّه بإفيايَه وصار عَصّاتَه .
مساء النور
