ASHMOHAMED30
السلام عليكم ورحمه الله وبركاته،
بقالي تقريبًا اكتر من خمس سنين على الواتباد.
ومؤخرًا بقيت أحس أن جهودي لا أُكرم عليها،
مش شهرة والله ولا الجو دة لأني عمري ما ألتفت ليها، ودايمًا بكتب هنا عشان بحب اكتب.
بس بقيت أحس أني مش قادرة ابذل مجهود هنا.
لذا، أفكر جديًا في اعتزال الواتباد.
Sarah_0711
وعليكم السلام ورحمة الله وبركاته
بصراحه هيكون مؤسف جدًا لو خدتي القرار ده يمكن انت حاسه ان الواتباد مكنش منصف لكن ده مش مقياس لقيمة الكتابه أبدًا وانا فاهمه انك حاسه بجهد كبير بدون تقدير للمجهود ده
انا قريتلك " إيروتومانيا " من فتره وكانت من أفضل الروايات اللي قريتها في حياتي جاتلي في وقت كنت مستغربه ان لسه فيه روايات حلوه وقيمه تستحق تتقرأ ، وفتره وجودها كانت من احن واحلي الفترات اللي ممكن اعيشها مع روايه
بقيت ارشحها لاي حد قدامي بعد ما شوفتها في الترويجات ولقيتها تستحق وبجداره
أسلوبك في السرد والحبكة والشخصيات مميز وخلاني متحمسه أقرأ باقي أعمالك ، واضح إن عندك موهبه حقيقية تستحق إنها تكمل سواء على الواتباد أو في أي مكان تاني
أتمنى أشوف اسمك في أي مكان تكملي فيه لانك تستحقي كل التقدير والحب لمجهودك العالي
ممكن تراجعي قرارك تاني وترجعي تشتغلي علي الترويج اكتر هيفرق معاكي كتير
وانا متشوقه جداً اعيش رحله تانيه مع باقي اعمالك ❤️
Monedrhab
@ ASHMOHAMED30 ليه بجد كتباتك حلوه وكله حبيبها ومتبعينك لو تلاحظي كتير وبرضه لو تعبتي من الموضوع شايفة انك تعبتي راحتك اهم من اي حاجة
_DYAFUL_
@ASHMOHAMED30 و عليكم السلام ورحمه الله وبركاته... دي أول مرة أنا هعلق لحد على حاجة بس حابه اقول لحضرتك اني قريت لحضرتك عملين و كانوا اكتر من رائعين و من وقت لآخر برجعلهم فعلا.. يمكن حضرتك بدل ما تفكري تعتزلي تقدري تروجي و تشوفي طرق للترويج اكتر و تكتشفي افكار و معلومات اكتر لرواياتك مقصدش طبعاً أنه حضرتك مقصرة أنا أقصد للتغلب على شعور إنك تعتزلي و إنك فقدتي الشغف و أكتبي زي ما تحبي صدقيني الحياة بدون كتابة لا تحتمل الكتابة هي الحاجة إللي بتفصلنا عن العالم و بتحسسنا إننا في عالم تاني.. عالم من خيالك و تأليفك يبقى إزاي تفكري تسبيها! .. أتمنى لكِ التوفيق في اختيارك بالنهاية شكراً لمجهودك في الروايات التحفه دي و إنك تعبتي و استمريتي علشانها
