الكتابة بالنسبة لي مش هواية، دي طريقتي في الهروب، في المواجهة، في التعبير، وكل حاجة بين السطور.
من وانا صغير وانا بلاقي راحتي في الكلام اللي بيتكتب مش اللي بيتقال، يمكن علشان الورقة عمرها ما قاطعتني، ولا قلم حُكم عليا.
مش فارق معايا مين شايف اللي بكتبه حلو أو لا، ولا يهمني أصلاً رأي حد شايفني أقل من اللي أنا شايفه في نفسي.
أنا بكتب علشان أعيش أكتر، أفهم أكتر، وأوجع أقل.
ولو كلماتي لمستك... يبقى فيه حاجة حقيقية خرجت من قلبي ووصلت.