Ahlaly Suu

ဒီရက်ပိုင်း လုံးဝအချိန်ဖယ်မရလို့ အားနာရပါတယ်။
          	တကယ်ကို အလုပ်များနေတာကြောင့်ပါ။
          	ကိုယ့်ကိုယ်ကိုလည်း ပြန်တွေးပါတယ် အာချောင်ပြီး 'အထည်ဆိုင်'ဖွင့်ခဲ့လိုက်လို့ပါ။
          	ဆိုတော့ စီးပွားရေးအကြောင်းနည်းနည်းပြောပြရမယ်၊ စာမရေးလို့ဆိုပြီး စိတ်မခုကြဖို့ပါ။
          	ကျောင်းမတက်ဘူးဆိုပြီး အိမ်ကအဖေကို 'ဈေးရောင်းမှာ'လို့ လေတိုက်လိုက်ပါတယ်။ မာလာရှမ်းကောနဲ့ အအေးဆိုင်ပိစိလေးက တော်တော်လေးအဆင်ပြေနေပြီး ဆိုင်ပိုင်ရှင်နဲ့နှစ်ဦးနှစ်ဖက်ငဲ့ပြီး ချက်ချင်းဆိုင်ပိတ်ချလိုက်ပါတယ်။
          	အိမ်ကိုတော့ 'ရတယ် အထည်ရောင်းမှာ'လို့ လေဆက်တိုက်ခဲ့တယ်။
          	ကိုယ့်ကိုယ်ကိုလည်း 'ငါ စိတ်ရော၊လူရော သက်သာတာပဲလုပ်မယ်'ဆိုပြီး မိုတီတွေပေးပါတယ်။
          	စိတ်ကူးလက်တွေ့ကထပ်တူမကျခဲ့၊ ကိုဂျီဖတ်ရဲ့သမုဒ္ဓယနဲ့ချည်တဲ့နွယ်မှာ ငိုချင်နေပေမယ့် (တို့မှာ သူ့လိုရည်းစားလေးတောင်မရှိပါ။) အဲ့ဒီတုန်းက ဘဝကြီးက ပိုပြီးပျော်စရာကောင်းမယ်ထင်ခဲ့တာ။
          	အိုခေ အဲ့ဒီမှာအထည်ဆိုင်၊ အင်္ကျီဆို Kaiဝတ်တဲ့ CKအတွင်းဝတ်ကိုပဲ ဂရုတစိုက်ကြည့်ခဲ့ဖူးတဲ့လူက ဘာမသိညာမသိ ယောင်လည်လည်ဆိုတာမှ။ 
          	'အခုများတော့ တစ်နေ့တစ်နေ့ ပြောလိုက်ရတဲ့စကားတွေ၊'   "သီတင်းကျွတ်၊တန်‌‌ဆောင်မုန်း၊စုံညီ၊ ဒီဇင်ဘာ၊တပေါင်း၊ တန်ခူး" ရာသီအလီလီအတွက်။
          	အင်္ကျီရှာရ၊ ဈေးကွက်တွက်ရ၊ ပုံစံရွေးရ၊ ငွေဖန်တီးရနဲ့ 
          	ပြန်ရောင်းထွက်ဖို့ လုံးပမ်းရတာ။
          	တစ်နေ့တစ်နေ့ ဘဝက ရှိရှိသမျှတန်ခိုးရှင်အားလုံးကို တမ်းတမ်းတတဖြစ်ခဲ့ပြီးလို့။
          	ပြန်ရောက်ရင် တစ်နေ့တာအကြောင်း၊ နောက်နေ့အတွက်ပါ နားထောင်ပေးရတဲ့ စကားသံတွေ၊ဝေယာဝစ္စ ကိစ္စအဝဝထဲ ဆုံးဖြတ်ဖြေရှင်းရသေးတယ်။
          	ကြားထဲ အဆိုတော်ကြီးဖြစ်ချင်တဲ့ကိုယ့်ဆန္ဒကိုလည်းမလွန်ဆန်နိုင်ပြန်ဘူး။
          	ဒီလိုနဲ့ တစ်နေ့တာအပြီး ညရောက်လို့စာရေးမယ်ဆို ငိုက်ငိုက်ကျတာ....ဆယ်တန်းတုန်းကထက်ပိုတယ်။ 
          	
          	ဒါပေမယ့်လည်း တကယ် တကယ်ကို ကြိုးစားနေပါတယ်။ စာရေးဖို့ တကယ်ကြိုးစားဖို့ ကြိုးစားနေပါတယ်။
          	နည်းနည်းလောက် အချိန်အားတာနဲ့ ဖုန်းကောက်ကိုင်ပေမယ့် "လူကပင်ပန်းရင် ဦးနှောက်ကအလုပ်မလုပ်ဘူး"ဆိုတော့။ ရှေ့လလောက်ထိပါပဲ။ နောက်ပိုင်း ပိုပြီးအသားတကျ ကျွမ်းဝင်လာမယ့် စီးပွားရေးနဲ့ passion life styleကို ညီမျှအောင်ကြိုးစားမှာပါ။ စာရေးတာက တို့ရဲ့ Passionပါ။ ဘယ်တော့မှလက်လျှော့မှာ မဟုတ်တဲ့ passionပါ။ အဲ့တာကြောင့် မိတ်ဆွေတို့က နည်းနည်းလောက် စိတ်ရှည်ပေးပါအုံး....နော်♥️