Ahmedly5122

صباح الخير 

هون لما فاتو الفرنساوي على حارة الضبع وربطو الحارس ابو ماجد ورموه مثل الخروف جوا المحرس ..
          
          رجعو رجال حارة الضبع حوالي ٣٩ زلمة حاملين شوال قمح ، حارة كامله طالعين بنص الليل وحاملين هالـ شوال ، يعني مشكوك بأمرهم..
          
          وفجأة كبست عليهم الدورية الفرنسية والضابط سفطهم جنب بعض على الحيط ..
          
          هون بطلعلك أبو عصام ( ابو النسوان ) بركض من بعيد، وحب يعمل فيها "البطل القومي" إلي بده يضحي بحاله عشان شباب الحارة، يعني بده يعمل دك شهامة ،
           وصاح بأعلى صوته:
          "هاذ الشوال إلي.. وكل شي جواته بخصني إلي لحالي!!"...
          
          الحكيم هون راسم بالسيناريو تاعه إنه الشوال فيه "أسلحة"، وإنه هسه رح ينحبس ويصير "مانديلا الشام" والبطل المغوار ..
          
          بس المفاجأة كانت أحلى من البزقة بصباح الحكيم ..
          
          الفرنساوي فتحوا الشوال.. وشو طلع جواته؟ قمح!! .. 
          يا ويلي على المنظر!  ابو صرمايتي تنكس تنكيسة العمر، ووجهه قلب 100 لون ولون، والشباب بتطلعوا عليه بنظرات "شو مالك يا حكيم؟ مخرفن؟"،
          يزلمه بشير كان بده يفرط من الضحك بس تمالك اعصابه ..
          
          الحكيم هون شال حاله ولملم عبايته ورجع على بيته يجر أذيال الخيبة!
          
          تعال عاد على الغباء الإخراجي إلي بخلّيك بدك تشلع حواجبك..
          يعني 39 زلمة، بنص الليل، متجمعين.. عشان يشيلوا "شوال قمح" واحد؟! 
          يعني الضابط الفرنسي، برتبته وعساكره، انطلت عليه السولافة؟!.. وكمان اعتذر منهم وحكالهم "نحن اسفون" وضل رايح!... يزم شو آسفون!! مال عرضك  ،
          
          وفرضاً وجدلاً يا أبو عصام..
          تخيل لو كلامك صح، والشوال فعلاً كان فيه سلاح .. بحياة دينك يا أبو عصام، بتفكر الفرنساوي بـ هالبساطة وبده يصدقك؟ ويقولك "آه خلص طالما الشوال إلك لحالك، خذوه يا شباب لحاله على القلعة"؟!
          
          يزلمه كان سحبوك وسحبوا الـ 39 زلمة معك وسحبو المنفاخ ابو شهاب من شواربه ، وعلقوكم بساحة الحارة جنب "دكانه أبو مرزوق". 
          
          وابو عصام عامل فيها روبن هون  ...
          ارجع على بيتك بلا كذب عزرت علينا الله يفضحك أكثر ما انت مفضوح!!..

كيفك 

صباح الخير 

الحياة في ليبيا بـ اختصار 
          
          - شـن بتقـرا ؟؟
          
          = طـيران 
          
          ما فيش التخصص هذا في ليبيا وكان بتقرا برا بيكلفك هلبا لوح عليك 
          
          - شـن بتـقرا ؟؟ 
          
          = طـب 
          
          - أنـت بتقـتل روحـك ولا شـنو ؟ 7 سنـين ومـع حـال البـلاد هذا بيقعـدوا 10 سنـين بيضـيع عمـرك وأنـت ماتخـرجتـش  .
          
          - شـن بتقـرا ؟؟
          
          = هـندسـة 
          
          - شـن مـالا تـبي تنـزل الشـوارع مـع صـاحب العجـانة وخدمتهم كساد وتعب دور حاجه ساهله ي حاج
          
          - شـن بتقـرا ؟؟
          
          = صيـدلة 
          
          - عـلى شنـو التعـب هذا فـ النهـايـة بتبيع حـلوة حـارة وفيـكس ..
          
          - شـن بتـقرا ؟؟
          
          = عـلم نفـس 
          
          -  مـالك ومـال المجـانيـن يعـني بتعالـج مـجنون لا لا يضـربك بحـاجه يجيبك طايح
          
          - شـن بتقـرا؟؟
          
          = قـانون
          
          - بالله بنقولك حاجه ؟ وينه القانون في ليبيا 
          
          - شـن بتـقرا ؟؟
          
          = إعـلام
          
          - تخصص مش مزبوط ي صاحبي
          
          - شـن بتقـرا ؟؟
          
          = تصـميم ازيـاء
          
          - بالله وينـه تصـميم الأزياء فـي ليبـيا بتقعـد ٱخر عـمرك تبيـع ف سـتاير وبخـش 
          
          - شـن بتقـرا ؟؟
          
          = والله قررت نبطل قراية
          
          - أوووو علاش هكـي مفروض كملـت قرايتـك مـافي حـد بينفـعك غيـر قرايتـك .

الشباب اللي يصعبو على نفسهم في فكرة الخطوبة و الزواج و مش عارفين إن لو متمنيين حاجة ربي حيسرلك أمورك فيها بدون ماتخش في حرام وعقلك ينحرف :-
           ، واحد صاحبي شاف بنت و عجباته لكن مكانش يعرف يكلم البنات و قعد مش عارف يفتح معاها الموضوع  ، 4 شهور يراقب فيها في صمت.
          لكن بالصدفة البنت طلعت صاحبة بنت خاله و اتعرفوا على بعض عن طريقها و قربوا من بعض و ارتبطوا ، الولد كان يبي يخطبها لكن كان عنده المشكلة اللي عند معظم الشباب و هي الفلوس ، صاحبي يحكيلي إنه حط قدامه هدف واحد هو إنه "يمرمد" روحه في الخدمة لأن اللي يحب حاجة لازم يتعب باش يوصلها..  ويقول  إن كان حلمه إنه يشوفها بقفطان الخطوبة و اليوم بعد سنتين من تعرفه عليها حلمه إتحقق و البنت انخطبت لمهندس بترول عمره 35 سنة 
          
          

اليـوم وانـي مـروح فـي جنزور لقـيت بنـت صغـيره فـي الـشارع رفعتـها لـ مركـز الشرطه وخليـت رقمـي بعـد بـ ساعـه تقـريبا كلمـوني الـ مركـز قالـولي مـزال تلـقا اي عيـل فـي الـشارع رد بالك تقـربه
          
          راك جايـب الـبنت مـن قـدام حوشـهم...

جدول الاسبوع 
          
          الاحد : نوض صلي الفجر واطلع شد طابور البنزينة مع الـ 11 تكون معبي وامورك واضحة 
          
          تتوكل للمصرف توقف ف الطابور يوصل فيك الدور يقولولك السيولة تمت تروح الحوش العصر 
          
          الاتنين : صلي الفجر وتوكل للمصرف بما انك جاي من الفجر معناها مع 12 تكون مروح ف فرصة ماعندك شي اوقف في طوابير الزيت من بن شعبان شيشتين من ماماش 3 جهاد مول تحصل وحده يعني انت والمغرب محصل نص صندوق هكي تم اليوم 
          
          التلاتاء : بتطلع بادور الغاز لان ف الحي الاسلامي ب40 وانت عندك زوز فارغات بتشط طابور متع 4 ساعات ف الخزانات تروح مع الظهر بروضو تم اليوم 
          
          الاربعاء : تشوف امك والمراء شن يبو من مشاوير تفتح بيهم الرحلة تروح مع المغرب 
          
          الخميس : بالدوران يلي صار هذا كله بترجع تشد طابور البنزينة ‍↕️

البينسة الحمرة
          اشتريتها من السوق   ... بـ 5 دينار رغم ان سعرها في محلات المواد الصحية 20 والراجل كان عارضها بـ 10 ...مع المماكسة خذيتها منه بـ 5 دينار بس
          استعملتها مرتين ... وآخر مرة كنت نربط بيها تل الرفرف متاع السيارة ..
          المهم فقدتها وقلبت عليها الدنيا وما لقيتها .. طلعت للشارع ندور  تحت السيارة فوق السيارة ما لقيت شي .. وبالصدفة عيل من عيال جيرانا خطم من قدام الحوش سألته عليها رد على رد بارد خلاني نشك فيه ..
          قعدت نراقب فيه من بعيد وهو مرة مرة يعزق عيونه شوري وانا نقول هذين عيون سراق ما فيها شك بكل ... 
          المهم العيل رد يمشي من قدام الحوش وانا نراقب فيه ونقول :: المجرم دائماً يطوف حول مكان الجريمة ..وهذي مشية سراق محترف وحركات سراق خاصة انه العيل قاعد يبرم في الشارع وهو طالق عيونه ع التراب ومرة مرة يفتش وانا نقول آهو قاعد يدور على شي حاجة اخرى طايحة مني بيش يسرقها .. 
          المهم خشيت الحوش وانا نفكر في البينسة ولغيت كل الشغل اللي كنت مخطط نديره بسبب ان البينسة انسرقت ..
          في الليل كل ما نتقلب نحق في العيل وهو يدور ويلف قدام الحوش .. طلعت في الصقع نتأكد ان الباب البراني مصكر ... خايف العيل يلقاه مفتوح يندعب ويسرق حاجة اخرى ..
          الصبح طلعت نبي نتوضى لقيت حمام  ما فيهش اميه .. قلت نمشي حمام المربوعة ... وغادي كانت المفاجأة ...
          لقيت البينسة الحمرة قاعدة ع اللوندينو متاع المربوعة ... اذكرت اني لما خشيت من برا نغسل يدي حطيتها غادي .. 
          طلعت نجري للشارع لقيت نفس العيل قاعد يبرم في الشارع سألته كنك على ايش ادور في هالصبح ؟ قال لي أمس طاحت مني بطشة قلت ندور عليها قبل يلقوها العيال الاخرين !!
          
          كانت صدمة كبيرة بالنسبة لي ...
          ظلمت العيل واتهمته وظلمت نفسي وسرقت من نفسي ليلة كاملة وانا نفكر في حاجة ما صاراتش اصلا ... 
          القصة تتكرر معانا كل يوم بطرق مختلفة وبأشخاص مختلفين وأحداث مختلفة ولكننا نصر على سرقة راحتنا و ارتياحنا
          لا حول ولا قوة الا بالله

سنة جديدة من عُمري أعانقها اليوم ودعت ﻣﻦ ﻋُﻤﺮﻱ ﻋﺎﻣﺎً ﻣﻀﻰ ﻭبدأت ﻋﺎﻣﺎً ﺟﺪﻳﺪاً✨. 
          
          اللّهُمّ إنّي أستودِعُك بعمري خيرًا ، فـ أغفِر لي ما مضَى، وبآرِك لي فيما هُوَ آتٍ
          اﻟﻠﻬُﻢ ﻋﺎﻣﺎً ﻣﻠﻴﺌﺎً ﺑﺎلخير، تتحقق ﻓﻴﻪ ﻛُﻞ ﺍﻟﻤُﻨﻰ ، ﻭﻋَﻮﺿﺎً ﺟﻤﻴﻼً ﻋﻤّﺎ ﻣَﻀﻰ ، ﻭاجعلْ ﻛﻞ ﺃﻣﺮٍ ﺗﻌﺴّﺮ ﺧﻴﺮ 
          اللهم إني أشهدك بأني قد رضيت بكل ما أردته في عامي الماضي .. فأرضني في عامي الجديد بفرح
          واجعلني يالله أكثر قربا منك وإيماناً بك♥️✨