iexact
السلام عليكم ورحمة الله وبركاته يا أختي ايكومونتسيرو، بدي أحكي لك كلمتين من القلب، وأتمنى تقرأيهم وأنتِ مرتاحة.
ربنا لما خلقك، ما خلقك عبث، ولا خلقك "سيئة" حاشاه. ربنا أحسن كل شيء خلقه، وإنتي وحدة من أجمل مخلوقاته. هاد الصوت اللي بيحكيلك إنك مش منيحة، هاد "وسواس" بدو يبعّدك عن حقيقة إنك غالية كتير عند اللي خلقك.
قال تعالى {لا يكلف الله نفساً إلا وسعها}
إذا حاسة حالك بتعاني، تذكري إن ربنا عارف إنك قدها. هو ما حملك هاد الثقل إلا وهو عارف إنك قوية ورح تتجاوزيه. هاد التعب اللي بتمري فيه هو ابتلاء، والمؤمن دائماً مأجور على صبره، حتى على الهم اللي بصيبه.
لما تحسي إن ما حدا بيحبك، تذكري إن حب ربنا لك أوسع من الدنيا كلها. هو اللي بيحط القبول والمحبة بقلوب الناس لك، بس الآن الضيق اللي إنتي فيه مخليكي مش شايفة هاد الحب.
قال تعالى {إن مع العسر يسراً}
ربنا وعدنا، والوعد حق، إنه بعد كل ضيق في فرج، وبعد كل عسر في يسر. هادي الأيام الصعبة مش رح تدوم، هي مجرد محطة رح تقويكي وتخليكي إنسانة أعظم وأقرب لربنا.
احكي مع ربنا، ربنا أقرب لك من حبل الوريد، هو الوحيد اللي فاهم وجعك من غير ما تشرحي. لما تحسي الدنيا سكرت بوجهك، افرشي سجادتك واحكي له كل اللي بقلبك، ابكي، واطلبي منه يريح بالك. هو الوحيد اللي بيجبر الخواطر المكسورة.
بالآخر..
انفضي غبار هالأفكار عنك، واستغفري وصلي على النبي، وخليكي متأكدة إنك إنسانة طاهرة ومحبوبة عند الله، وهاد بيكفي ليكون عندك كل الثقة بنفسك. إنتي غالية، ووجودك في الدنيا مهم ورح تكتشفي هذا الأمر بيوم من الأيام.
وفي النهاية تبسمي، فالحزن لا يليق بك ⭐️