Huwag mong kalilimutan ang sarili mo kapag nagmamahal. Lagi mong iisipin kung ano ba ang mararamdaman mo. Lagi mong iisipin na kung gaano mo siya kamahal, ganoon ka rin sa sarili mo. Isipin mo na kung deserve mo ba ang lahat ng sakit na nararanasan mo sa kanya.
Isipin mo rin kung tama pa ba ang pag-ibig mo sa kanya. Hindi ko sinasabi na bumitaw ka agad. Hindi ko sinasabi na kailangan mo na agad sumuko. Tanungin mo ang sarili mo kung kaya mo pa ba. Kung kaya mo pa at kung may napapala ka pa, go lang. Pero kung ikaw na ang nagmamahal, ikaw na ang nag-aalala, ikaw pa 'tong nasasaktan, aba gumising ka na.
Kung nakakapagsalita lang ang puso mo, siguro matagal ka na niyang sinigawan. Galit na galit na yung puso mo kasi hindi mo siya pinakinggan, hindi mo siya pinahalagahan. Hindi mo siya pinoprotektahan.
Kaya sana, habang may time pa, huwag mong kalilimutan ang sarili mo.
