Alaq_Iraq

هلاااا

ممنوع الاعلانات و نشر الحسابات والروايات على منصتي،  لا ارد المتابعة. 

أيُّها الشاكي وما بك داءٌ
          كيف تغدو إذا غدوتَ عليلًا؟
          إنَّ شرَّ الجناةِ في الأرضِ نفسٌ
          تتوقَّى قبلَ الرحيلِ الرحيلا.
          
          -ايليا ابو ماضي

-هل الادوية تضعف مناعة الانسان؟-
          
          يمكن سمعت اكثر من مرة واحد يكول لا تاخذ هواي ادوية لان راح تضعف مناعتك
          بس هل هذا الكلام صحيح؟ 
          
          الجواب هو مو كل الادوية تضعف المناعة
          اكو ادوية خاصة مثل الكورتيزون وادوية تثبيط المناعة والعلاج الكيميائي هاي الادوية تقلل نشاط الجهاز المناعي حتى تعالج امراض معينة او تمنع الجسم من رفض العضو المزروع بعد الزراعة
          اما الادوية العادية مثل المسكنات وخافضات الحرارة ومعظم المضادات الحيوية فما تضعف المناعة بشكل مباشر اذا استخدمت بالطريقة الصحيحة وباشراف الطبيب
          
          -زين ليش الاطباء يكتبون ادوية تضعف المناعة؟-
          
          لان احيانا المشكلة تكون بالجهاز المناعي نفسه بحيث يبدي يهاجم خلايا الجسم السليمة فبهالحالة لازم يهدئون نشاطه حتى يوقف الضرر
          
          -شلون نحافظ على مناعتنا؟-
          
          ١-اكل صحي يحتوي على خضار وفواكه
          ٢-نوم كافي كل يوم
          ٣-ممارسة الرياضة بشكل مستمر
          ٤-شرب كمية كافية من الماي
          ٥-عدم استخدام اي دواء بدون استشارة الطبيب
          
          
          سؤال للنقاش
          شنو رأيج بالناس  اللي صارت تعتمد على الأدوية أكثر من اللازم؟ 

تَجْرِي الأَقْدَارُ بِلُطْفٍ خَفِيٍّ، فَمَا أَغْلَقَ اللهُ عَلَيْكَ بَابًا إِلَّا فَتَحَ لَكَ أَبْوَابَ خَيْرٍ أَوْسَعَ مِنْهُ.

-ليش بعد فترة نبطل نتأثر بمشاكل أهلنا؟ وليش نحس ببرود فضيع؟-
          
          يمكن أكثر سؤال يخوف الإنسان هو لما يكول:ليش قبل جنت أتاثر على مشاكل أهلي، واليوم أحس ماكو نفس الإحساس؟
          
          أول شي لازم نعرفه: مو كل برود يعني قلة حب أو قسوة مرات يكون عقلنا وصل لمرحلة يحاول يحمي نفسه.
          
          -أولًا: من ناحية علم النفس-
          
          1- التبلّد العاطفي (Emotional Numbing)
          
          من الإنسان يعيش سنوات وسط الضغوط والمشاكل، الدماغ يقلل استجابته للمشاعر حتى يخفف الضغط النفسي يعني مو لأن الشخص ما يحب أهله وإنما لأن جهازه النفسي تعب.
          
          2- إرهاق التعاطف (Compassion Fatigue)
          
          إذا كل يوم تشوف شخص تحبه يعاني يجي يوم تحس ما عندك طاقة تتفاعل مثل قبل هذا يسموه علماء النفس "إرهاق التعاطف"، وهو حالة طبيعية تصير بعد التعرض المستمر للمعاناة.
          
          3- التعود على الألم
          
          المشكلة إذا تتكرر باستمرار، الدماغ يعتبرها جزءًا من الحياة اليومية، فتقل ردة الفعل العاطفية إلها مو لأن الألم اختفى وإنما لأن العقل تعوّد عليه.
          
          
          -ثانيًا: من ناحية الفلسفة-
          
          الفيلسوف آرثر شوبنهاور كان يشوف إن الإنسان إذا عاش مع الألم لفترة طويلة، يصير الألم جزءًا من واقعه، وما يبقى يثير نفس المشاعر الأولى.
          
          أما الفلسفة الرواقية فتكول إن هدوء الإنسان أمام المصائب مو دائمًا برود، وإنما أحيانًا يكون محاولة حتى يحافظ على توازنه النفسي، لأن الانهيار ما يحل المشكلة.
          
          =سؤال للنقاش
          وإنتِ برأيج هذا البرود هو قلة اهتمام؟ لو طريقة يتبعها العقل حتى يحمي الإنسان من كثرة الوجع؟
          
          

اللّهُمَّ لَكَ الحَمْدُ حَمْدَ الشَّاكِرِينَ لَكَ عَلى مُصابِهِمْ.