Alien2486

نزلت الفصل السادس من اللصة التي أرهقتني 
          
          أتمني يعجبكم •♡•
           #اللصة_التي_أرهقتني 

أهلا 
          مر وقت طويل أوي علي آخر مرة حدثت 
          كنت عايزة أرجع من زمان خاصة إن رواياتي وحشوني بطريقة غير طبيعية لكن خوفي من الإحباط خلاني أتراجع وبصراحة حصلت حاجات كتيرة في حياتي خلتني في نفسية مش كويسة والحمدلله بقيت كويسة تاني 
          
          ان شاء الله بإذن الله هنرجع تاني وبثبات المرادي من غير مقاطعة وأتمني بجد يرجع التفاعل زي ماكان وأكتر 
          
          هنرجع بأول رواية كتسخين كده وهي اللصة التي أرهقتني هنستمر فيها شوية بحيث تكون كتبنا فيها حبة حلوين وبعدها نشوف لو هنوازي رواية تانية معاها وننزلهم مع بعض
          والرواية دي من النوع الكوميدي اللي هينسيكوا هموم الدنيا فأتمني بجد تقرأوها وتقوليلي رأيكم 
          
          موعدنا الجمعة الجاية ان شاء الله بالفصل السادس من اللصة التي أرهقتني 
          ولو حد فاكر رواياتي التانية ووحشته رواية تانية أنا برده مش هحاول أزعل حد 
          أتمني يكون التفاعل أحسن من المرة اللي فاتت ويارب مرجعش للإحباط تاني وأفقد الأمل 
          لو حصل تفاعل بإذن الله هيبقي فيه مفاجئة حلوة ان شاء الله تعجبكم بس يبقي فيه تفاعل بس 
          
          
          راجعلكم وراسي اد السمسمة بعد أما قولت إني هوقف كتابة بس نعمل ايه بقي حب الكتابة يستهويني 
          
           #اللصة_التي_أرهقتني 

رواية جدية من بطولة مين يونغي تخرج للنور بعنوان زوجة الزعيم 
          أتمني تعجبكم 
           #زوجة_الزعيم

دامت غزة حرة وإن كانت الراحة في هجرتها فمرحبا بالألم تحت سمائها وفوق أرضها
          
          وإن كنا سنمت فلنمت بكرامة وشرف بدلا من العيش في ذل وجبن
          
          
          مبارك لأهل غزة وشعبها علي وقف الحرب أخيرا 
          ومبارك لشهدائها أن نالوا الشرف الأعظم والنصر الأقرب بلقاء ربهم والمكوث في جنانه 
           #غزة_حرة 

نزل الفصل التاني من رواية دونات بالعجوة
          مع مغامرات نوسة في فيلا حي الزمالك
          
           #دونات_بالعجوة

نزلت رواية جديدة و المرادي نوع مختلف تماما عما سبق
          رواية مصرية بالنكهة الشعبية 
          
          نزل أول فصل منها من شوية 
          و إن شاء الله تنال إعجابكم و تكون تجربة موفقة 
          و ممتعة ليا و ليكو
           #دونات_بالعجوة

أنا فكرت في الموضوع كويس و أرهقت بصراحة من كتر الضغط النفسي عليا
          رواية إخوة بالاكراه كانت من أقرب و أحب الروايات لقلبي بعد مراقب و أنت لا تسير بمفردك أبدا
          بس تفاعلها _إن كان فيه تفاعل أصلا _ 
          للأسف ملهاش تفاعل حتي 
          أنا تقريبا في اليوم بدخل أكثر من خمس مرات أشوف لو حد حتي قرأها مش حتي عمل فوت أو كومنت بس للأسف مفيش حاجة
          
          أنا عارفه أن أنا قصرت في نزولها بس قررت إن أنا ألتزم بس ع الأقل ألاقي تشجيع
          
          أنا للأسف من النوع اللي بيحتاج زقة عشان يتحرك و تشجيعكم هو كان الزقة دي و حتي ده معدش موجود 
          بقيت بضغط علي نفسي بالرغم من الاحباط الشديد ده إلا إن ده بيتعبني و يشغل تفكيري بجد
          
          و الرواية بجد تستحق المتابعة
          مش عشان أنا كاتباه
          لا عشان أنا حباها
          
          فأنا قررت _بكامل الأسف_ إن أنا مش هكتب فيها غير لما ألاقي ع الأقل تعليق واحد 
          ألاقي زقة حتي لو صغيرة 
          حد مهتم و إن كان واحد بس و ساعتها هكملها إن شاء الله
          
          و من يدري ؟! يمكن مرة واحدة يجيلي الحماس أكملها و أنزل فصل مفاجئة
          
          أنا آسفة للرواية و آسفة ليكو
          
          إن كان حد أصلا مهتم 
           #إخوة_بالاكراه

نزل فصل جديد من إخوة بالاكراه و علي كده إن شاء الله هيكون معادنا الاتنين و الخميس 
          
          منتظرة رأيكم
           #إخوة_بالاكراه

نولت فصلين من إخوة بالاكراه كتعويض عن غيابي و ان شاء الله هيرجع النزول فيه متزن تاني 
           #إخوة_بالاكراه

ان شاء الله هخلص امتحانات يوم التلات الجاي 
          مستعدين للحصول علي عيدية متأخرة شوية
          ان شاء الله علي يوم التلات بالليل أو الأربع هنزل فصلين من إخوة بالاكراه _ ده لو النت معملش عملته و فصل _
          أتمني ميكونش حد ناساني و تكونوا لسه متحمسين للرواية ~
           #إخوة_بالاكراه