𖤍

حسابي القديم ⁦:-(⁩

وجه العَتب وأبريك ذمه 
          بـ طولك فراشك عيب ألمه 
          ياهو ابده مني ورحت يمه 
          فكَدك كَوي وكلبي لويته 
          بلوه تدحرجني ع بلوه 
          وتراكبن ونه ع ونه
          مكَاطف نفسنه وماوصلكم 
          وشسوت الحسره باهلكم 
          يمكَوطرين وروحي عدكم 

ماكدر اجي وماكدر انساك
          حسيت عيني انعمت من كتلك الله وياك
          بس يلا روح الله وياك
          الله وياك والدنيا طويله
          وموش انه اليحط راسه بشليله
          شتظن اتوسلك؟!!!!
          بالله غلطان
          انه الهب ريح ابو الجلمه الثجيله
          تارسني الجرح بس ماني شجاي
          انه الناس هي التشتكيله

مو مالة عشگ الدنيا خلصانة 
          اليحبني من صدك لو امي لو انه
          اتانيمن بعد والصبح فوگي يبات 
          ولا نجمة البقت وياي سهرانة
          باب وما افكة لو اخوي يصير 
          تعرف دوخة الناعور ذرعانة
          المعزب اليذبح بلهلا احتاريت 
          حاتم صعد صيته بذبحة حصانة
          يا حب 
          يا غزل 
          يا ناس ولهانة 
          يمن راحولي فدوة افلان وافلانة
          يدنية وياي گليلي شرايچ 
          وعلي بليل موش انه شرايچ
          انتي وضيمي وهمومي شرايچ
          وكل وحدة تگول الليلة الية

سراب انكض بدينا من طردناه 
          بس الفرح شارد من طردناه
          خطيه شكد توسل من طردناه
          ومشه وگللهم مجلبين بيه
          روووح وهسه ولو رحت ميت اعليك؟ 
          الذيب ما يبجي اعلى واحد وانه ذيب
          الله خو ما خالقك بس انته روح چفني شرك
          واني غيرك 100 اجيب
          عود ادور فايده براسك وعيش
          الايده مبتوره بشنهي يفيده الطبيب
          تنذل وترجعلي واهواك وتخون 
          چا شبيدي اعليك روحك بلغريب
          انت واحد ذيل مو مال احترام
          جاي اتعلم اليتيم اعلى الثغيب

.
          
          الگلب چوچب لراعيه شكالة
          هضبت جناحي چي كول شكالة
          وشگد اتمنى انه بشعرچ شكالة
          واكشخ بيچ وتكشخين بية
          
          .

. 
          
          
          
          
          يقولون الطيور على أشكالها تقع
          لم أكن على شاكلتكِ ابداً
          كُنت رجل من سلالة الصقور
          وانتي كنتِ من سلالة البطاريق
          عبثاً كُنت أحاول تعليمكِ الطيران
          
          
          
          .

احذرو احذرو احذرو 
           فصمتنا ضجيج وذنوبنا حجيج
           الزمو خرافكم الذئب قادم 
          وعودة سالم لا تسرو جساس
           قولو لكثرتكم 
          ان الذئب لا يهتم الى كثرة النعاج 
          اني بيرغ الزلم ضلت وراي 
          ولو سهم هم ما ارد حجايتي 
          ينحني ظهري
          ينحني ظهري گصب واوكف نضيف
           اعمى بس عطر الزلم عكازتي
           اني طير شما يرامون على فوك 
          واعلى من هامت عطارد هامتي 
          حطني فوك الشمس فوك الشمس
          فوك الشمس حافي امشيلي عام
           ولا مخنث يوكف بجنازتي 
          اني خاجيتي الشجر لو مر خريف
          للستر محد مسوي سوايتي 
          ذيل عكرب ما صرت للهيوا ذيل 
          ولا صرت عار على ولد ولايتي 
          عيب احسه 
          عيب احسه وماطبت مره على عيب 
          ولا نسيت وذكرتني مرايتي 
          امنزعل احذر امنزعل احذررر 
          ما اعديها على خير 
          ذيب وبدم يلا تفض طلابتي  
          الطير احذره يغمض عيونه ويفوت 
          خاف عينه تشوف ضل لجارتي 
          اني حتى بساعتي مخلي احتراام 
          بلاميال اغير والعب براحتي 
          من شفت ثكل الصغير على الجبير 
          كلت ما ترهم ولا من عادتي 
          بدلت بادوارهن گام الصغير يركض 
          وصار احترام ابساعتي
          وما افشل 
          وما افشل اوكف براس الغميج 
          الحوت اطلعه معلگ بسنارتي 
          واليعيل وياي روحي تعاتبه مره وحده
          والثانيه ازين شاربه 
          هذا طبعي العاجبه خير على خير 
          الباب يوسع جمل الماعاجبه 
          ذيب والعاندني ينصب فاتحه 
          النوم زاعلته وبعد ما اصلحه 
          الراد يتريگ بجتفي شكد غشيم 
          ما درى متعشي بيهه البارحه 
          شلون ما اكبح ويا المايستحون 
          واني حدي وحتى اخوي مگابحه

تلك التي هام الفؤاد بحبها
          مهفهفة بيضاء درية القبل
          ولي ولها في الناس قول وسمعة
          ولي ولها في كل ناحية مثل
          كأن على اسنانها بعد هجعة
          سفرجل او تفاحاً في القند والعسل
          رداح صموت الحجل تمشي تبختراً
          وصراخات الحجلين يصرخن في زجل
          غموص عضوض الحجلي لو انها مشت
          به عند باب السبسبين لانفصل 
          فهي هي وهي ثم هي هي وهي وهي
          مني لي من الدنيا من الناس بلجمل
          ألا لا ألا لالاء لابثٍ
          ولا لا ألا إلا لالاء من رحل
          فكم كم وكم كم ثم كم كم وكم وكم
          قطعت الفيافي والمهامة لم امل
          وكاف وكفكاف وكفي بكفها
          وكاف كفوف الودق من كفها انهمل
          فلو لو ولو لو ثم لو لو ولو ولو
          دانا دار سُرى كنت اول من وصل
          وعن عن وعن عن ثم عن عن وعن وعن
          اسئل عنها كل من سار وارتحل
          وفي وفي في ثم في في وفي وفي
          وفي وجنتي سُرى اقبل لم امل
          وسل سل وسل سل ثم سل سل وسل وسل
          وسل دار سُرى والربوع فكم اسل
          وشنصل وشنصل ثم شنصل عشنصلِ
          على حاجبي سُرى يزين من المقل
          حجازية العينين مكية الحشَ
          عراقية الاطراف رومية الكفل
          تهامية الابدانِ عبسية اللمى
          خزاعية الاسنان درية القبل
          وقلت لها أي القبائل تنسبي
          لعلي بين الناس في الشعر كي اسل
          قالت انا كندية عربيه
          فقلت حاشا وكلا وهل وبل
          فقالت انا رومية عجميه
          فقلت ورخيز بباخُوش من قزل

انه المبيوگ انه  المامش
          انه الـ بس اسمه بشر عايش
          انه الثگلت عليه روحه
          انه الـ كل تايهه وكل عابره تلوحه
          انه المتروس صدره عتاب
          انه العينه على دكة باب
          انه الـ مادري شكبره
          انه الـ فدوه
          انه الـ ماله عمر يسوى
          انه الـ بالغربه يتغنى
          انه الما ينّشد عنه
          انه الينشد
          انه الـ يفگد
          انه الـ يتركد تركد
          انه المجتوف ما ينفك
          انه الينشاف چنه بخير
          انه الچذاب من يضحك