SamaSief

مساء الخير استاذة نغم انا واحدة روحها مرهقة جدا والحياة دايما معاندة معايا بفرك كتير ومش بسكت وبحاول واعافر بس اوقات اليأس بيغلبني وقعت بالصدفة البحتة ف روايات حضرتك واتصدمت من الجمال والروعة والموهبة انتى فنانة بتلوني تعاسة الحياة بكلماتك قرأت كل حاجة ليكي تقريبا لحد ما وصلت لروايتك الاخيرة سيكون لنا لقاء اه يا استاذة نغم الرواية دي وما ادراكي تأثيرها عليا وعلى روحي ووجداني فى عز اكتئابي بعد ربنا مفيش حاجة كانت بتساعدني افوق من حزني واداوى المي غير سطورك الجميلة فتشت عنك كتير وكان نفسي اوصلك صوتي ونفسي تعرفي اد اية كنتى سبب ف تهوين كتير عليا كنت بمشي ف الشارع اعيط وافتكر روايتك واضحك واستخبى فى اى ركن ف كليتي واقرأ بلهفة لدرجة حفظتها!بقيت كل مرة اقرأها من جديد واكتشف سطر او كلمة مأخدتش بالى منها احس بإنجاز
          شكرا يا استاذة نغم على الجمال دة كله شكرا انه حتى لو متعرفنيش ولا انا اعرفك ف ببصمتك وسحر نغمك طربتي قلبى وبنات افكارك ال طلعتيها لينا لقت صداها فى قلبي
          اتمنى من كل قلبي ترجعى للكتابة وتحكيلى اي ال حصل مع ابطالك وانا لو اقدر اكون كل جمهورك مش عارفة هتقرأي كلامي او لأ بس لعل وعسى ربنا يكتب نصيب وتشوفيه وتعرفي ازاى اثرتي فى روح انسانة موجوعة
          شكرا بحجم الكون