Bitin din ako sa Love at First Laglag. Parang kasama sa cravings ko na bigyan ang mga bida ng mas maraming kilig moments, para mas invested ang readers, pero naisip ko na panatilihin na lang itong cravings na 'to, na lahat na lang kami, manabik sa pwede pang mga mangyaring eksena kung mas marami pang chapters.
Actually, parang ang dami ko pang gustong ilagay. Pero plano ko nga talaga sa simula pa lang, na short story lang, simpleng kwento lang dapat pero talagang humaba pa iyan sa lagay na iyan. Balak ko nga 30k words, target word count ko talaga. Pero nagulat ako, umabot na ng 60k words. Goal ko kasi this year, makatapos ng maraming stories kahit hanggang 30 chapters lang. Iniisip ko rin na hindi naman sobrang need na i-detail lahat since series naman, makikita pa sila sa ibang series kahit pahapyaw lang.
Maglalabas din naman ako ng maraming special chapters, pwedeng dito o kung sakaling mabigyan ng chance na maging physical book. Sa ngayon, bitin man, hahayaan ko na lang sa imahinasyon ng readers ang kwentong ito, para may laya sila mismo na mag-isip sa mga posibleng mangyari kina Edgar at Sunshine kung sakaling mas mahaba pa ito.
Pina-practice ko kasi ngayon na magsulat ng short stories na parang nandoon na lahat at hindi bitin sa feeling, pero siguro for long stories nga yata talaga ako. Pasensya na at hindi ko pa mahasa ang sarili ko sa parteng iyon.
Pero syempre, masayang masaya ako na may natutunan kayo sa kabila ng pagiging simple ng kwento.
