AprilMoesat-J
"နေရာမှားခဲ့တဲ့ နံရိုးတစ်ချောင်း"
ကောင်မလေးရေ...
မင်းကို ချစ်ရလွန်းလို့
ငါ့ကိုယ်ငါတောင် ဂရုစိုက်ဖို့
မေ့နေခဲ့ရတယ်....
သိပ်ချစ်ရတဲ့အကြောင်းတွေကို
မင်းကိုသာ ဖွင့်မပြောဖြစ်ခဲ့တာပါ
ငါ့နှလုံးသားထဲမှာ ပဲ့တင်ထပ်ရလွန်းလို့
ငါ့ဦးနှောက်ထဲမှာ အချစ်ကင်ဆာတွေ
အဆိပ်တက်နေပြီ။
ကောင်မလေးရေ...
ဖော်ပြလို့မရတဲ့ ဝေဒနာတွေက
ငါ့မျက်ဝန်းတွေကတစ်ဆင့်
နင့်နှလုံးသားကို ဆက်သွယ်မိနေတယ်
နင်မကြည့်တတ်ခဲ့လို့သာ မသိခဲ့တာပါ
ငါတို့နှစ်ယောက်က အနီးဆုံးမှာရှိနေရက်နဲ့
မနီးစပ်နိုင်ခဲ့ဘူး
ကံကိုသာ ယိုးမယ်ဖွဲ့လို့
စိတ်ဖြေရာ ရှာလိုက်ပါ့မယ်။
ကောင်မလေးရေ...
မင်းမရှိဘူးဆိုတဲ့အတွေးနဲ့တင်
လေဝင်ပေါက်မရှိတဲ့ ဂူထဲမှာပိတ်မိနေသလို…
မင်းဟာ ငါ့အတွက်
အမြဲလိုအပ်နေတဲ့ အောက်ဆီဂျင်လေးပါပဲ
တစ်ခါတစ်ခါ လောကမုန်တိုင်းတွေကြားထဲ
ရုန်းကန်နေရတဲ့မင်းကို
ငါ့ရင်ခွင်ထဲထည့်ပြီး နှစ်သိမ့်ခွင့်လေးရနေရုံနဲ့
ငါတို့ရဲ့ရေစက်တွေဟာ
လွဲမှားနေတယ်လို့ခံယူလိုက်တယ်။
နီးဖို့ကြိုးစားလိုက်ခါမှ ဝေးရမယ့်အဖြစ်မျိုး....
နယူးကလီးယားလက်နက်လို
ပေါက်ကွဲလိုက်လို့ မဖြစ်တဲ့အရာမျိုး....
မချစ်သင့်တဲ့အချစ်မျိုးသာ သေချာနေခဲ့ရင်
တစ်နေရာရာမှာ လွဲမှားခဲ့တဲ့
အာဒံနဲ့ ဧဝကိုသာ
အပြစ်တင်လိုက်ချင်တယ်။ ။
ဧပရယ်မိုးစက်
မှတ်ချက်။ Jensoo OTP Ship အား ခံစားရေးဖွဲ့ခြင်း ဖြစ်ပါသည်။