حاول تتقربلي شوية
افتح اي موضوع يعجبك 
واترك كل الباقي علية 
حاول تسأل عن اخباري
حاول تدري اليوم شبية 
شاركني بفد شي من ذوقك
دز اي جملة تعجبك الية
دز نكتة صغيرة تضحكنة
او مقطع من اي اغنية
نسمعها اني وياك ونبقى
نتسامر بيها الليلية
حاول تتقربلي شوية
وراح تشوف البيني وبينك
يقوة ويتطور يومية
وراح تشوف القاسي ، البارد
يتحول كتلة حنية ♥️
اني اكثر واحد بالعالم
محتاج الحب والحنية
غثني بكلمة وخل نتعارك
وبحجة واحد يتعذر
ابقى احچيلك ع صاير بية
صارن چم حل عندك هسه ؟
لو تحسبهن فوك المية
حاول تجرب بس واحد
واترك كل الباقي علية

























ليش تِطلعلي
من أريد أنسى
التفاصيل 
الـ تذكرني بغيابَك؟
وليش هاي الدنيا كلها،
إنسَدت بوجهي
لمَن سَديت بابَك!
خَوفتني وآني چنت
الـ من أخاف ألزَم ثيابَك
ضَيعتني ومِشَت جِدمي 
وين ماكو آثار جِدمَك
بالدروب التِندل
حرورة صوابَك
ومن لگيتَك فَرفَحِت
حَسبالي أهِمَك
بَس رِجعت بخيبة
السامِع "شجابَك؟"
ومنها صرت أعرف
وضوحي وياك
نقطة ضُعفي چان ،
شمالني وغَرني ضَبابَك .