AyaAya769552

بعدين شني اسمج آيه آيه ؟
          شني بالفيس بوك احنا؟ الملكي الملكي
          المدريدي المدريدي،حموووووت بس حلو اسمج✨✨❤️.

يمكن هواي حچيت طبعًا طبعًا أعتذررر هواي حچيت بس اقري كلامي اعتبريه روايه✨❤️.

بس هذا الشي الوحيد اللي لازم تسويه ، ووياچ وحده گاع تحجي اجاها يوم مرت بي .. لدرجة كَامت بليل ووحدها جانت كَاعده بالبيت ،ناطّه بچي.. فتحت القرآن وطلعت إلها آيه تتكلم عن لطف الرحمـٰن وحنّيته ، وبچت .. بچت بعد ما حسّت حتى باب ذكر الباري منغلق بوجهها ، أو مو منغلق .. كوني شخص حنين حيل ، إنقال إله من اقرب اصدقائه "الحنّيه اكتملت بيك وانت ببطن أمك" ، من شاف حنّية الباري عليه ولُطفه .. تأثر وإزداد بالبُكاء ، من المشاعر والحنيه اللي يمتلكها، ذاك البُكاء اللي بطعم بُكاء الـخشوع .. بُكاء من بعده راحه ! سكينه ، وطمأنينه وهدوء ..
          اي يا حبيبتي ، مهما وصلت بيچ المواصيل ،وختّمتي المواويل (هاي شني صار شعر،ديلا أنا شاعره عادي عادي) اي مهما وصلت بيج الحال لحد تحسين هاي النهاية،ركضي لكتاب خالقچ ،وخالق السماوات والأرض .. واقري كتابه ، اقري آية.. حرف منه وراح تكونين بخير ، صح حتبچين ، راح ترتّلين،تجّودين وأنتِ بنُص بُكائچ،بس بعدين الهم كُله راح ينزال (شكلي وآني ارتّل واجوّد بوقت البچي بنفس الوقت) المهم شني هاي آني شكد تافهه بعد شنو لازم اكتب اوكَفي المبرده دترجّجججف أيدي ..
          اي اي ف يعني العبره بالخواتيم ياحبيبتي بالاخير راح ترتاحين بكَد ما تعبتي وعود آني كلت في وقت آخر بس اعرف بروحي انسه فقررت اكتب هسه(اويلي صار شعر مشتاقه للأشعار صار هواي مكاتبه) وديلا اقري روايتي إذا عجبتج حتى انزل البارت الثاني علمووودج) اصبري حبيبتي إن الله مع الصابرين،وخلي الكلام ترچيه بأذنج ماشي؟
          ماشي والدب❤️✨.

.. مو آله وتكولين دائما اي ، تسمعين كلام وتدخليه بمخج خير شر ،بشر عنده احاسيسه،واللي أذاج.. أذيه بدعائج عليه وتسليمه بيد الخالق الخلّاق ،لا تكونين ضعيفه وتحسين روحج ميته ! شخص مات وإندفن بسبب كم كلمه ، ياكلون بيج بسمهُم هذا وكلامهم السيء ، علأقل لا تردين لو تخافين منهم ، ع الأقل تصدّي لكلماتهم ، أبد لا تهتمين أبد ! صحيح يجوز تفكرين شوي بس انسي لا تنطين الموضوع أكبر من حجمو ،حتى لا تبررين إذا انفهمتي غلط،جان يكدرون يفهمونج صح،بس الأهل يستحقون تبررين الهم إذا الشيء يستاهل طبعًا ، وطبعا عدم اهتمامج بكلامهم السيء هذا اكيد أنتِ راح تخلقيه بداخلج من الإهتمام بأشياء ثانيه،زيادة الموهبات،الدراسه،التجارُب اللي يهابها قَلبچ،وغيرها من الاشياء اللي تهتمين إلها لو قمتي بفعلها ، صح ماعرف شخصيتج بأكملها،بيئتج،اهلج،ناسج .. 

الله يجبر بخاطرج حبيبتي،
          احس اريد اكتب جريده وانصحج واعلمج شون تكونين قويه بيها ..
          بوقت آخر إذا كَدرت إن شاءَ الله
          شفت تعليقج برواية الجاثمه وشون شخصيتج مثل ما سميتيها ضعيفه ..
          بالعكس شخصيتج مو ضعيفه ، هالشخضيه الناس اللي حواليج خلقوها ، والمشكلة الأكبر أن ذول الناس من ضمنهم اهلج،لازم تصبرين وتجربين تجارب شخصيتج ماتريد تجربها، شخصيتج الخائفه من شي ماتريدها.. مو شخصيتج الضعيفه! بالعكس .. أنتِ مو ضعيفه ، بس ماتعرفين شلون تتصرفين، والمايعرف يتعلم .
          تعلمي،جربي،طلعي ، بس حلوه (حلوه لو لمار)، حلوه من تخافين تطلعين للمحل وتحجين وي ابو المحل حبيت هالشيء منج لان هو صح مو حرام لو محجيتوا بأشياء ثانيه بس بعد احسن♥️♥️، احسج انطوائيه فجربي تغيرين من شخصيتج حتى تتطلعين على اشياء هواي راح تفيدج .. مستقبلج،تحصلين ناس أحب الج ، تستقوين على اللي يحاول يقلل منج ، ما تكونين ضعيفه وتسكتين .. تأخذين حقج بيدج من صغير وجبير ، عارف هذا حقج لو ما عارفه ، أنتِ بشر ..

دشوف الاسم مال الرواية 

برأيكم هل الكاتبة ذا مردت على رسالة من الفانز تعتبر مغرورة او عندها ضروف✨

ولسوف يعطيك ربك فترضى