الروجي

تبع يا قلبي طريق الحـــق ما تنــــدم 
          ولوح الخطوات كيما الرجالة الزينين
          
          وتتلاقاك لوعـــــار امشيـــها متحتــم 
          وتجيك الضربات قاع ماتعرف منيــن 
          
          من شاو لعمر الطيحات منهم تتعلـــم 
          والخيط مع ربي لابد يكــون متيــــن 
          
          هذي دنيـــا ويعاديك ذاك بـــن العـــم
          حتى ويكون قلبـــك فـي النيـــة زين
          
          أصبر لكان جاتك ليام هـم على هــــم 
          والصبر مفتاح لهـذا الوقـــت الشيـــن 
          
          ٲصبر يا قلبي مع الوقت كلش تفهـــم 
          وآخرتها قاع رقـدة تحـــــت الطيــــن 
          
          ما تحير وما دير في راسك ما تخمـم 
          رانا بعد الجمـــلة نعشـــو مفروقيــــن

تجلس مع هادو يهدرو فلوخرين
          تجلس مع لوخرين يهدرو فهادوك
          تجلس معاهم في زوج يوليو أحباب
          تنوض انت يهدروا فيك..! 

‏وظنوا ما تظنّون،
          ‏الحمدلله ان هُناك رباً يعلم ما لا تعلمُون...

                وستبقى أختي إلى أن يجمعنا الحلال 
                                          إن شاء الله 
                                               ❤