BaNo84
رضيت شلون غيرك يحجي وياي
وغيرك تبقى لمساته بأديه
شلون انطاك كلبك يمر فد يوم وشخص غيرك يصير اليه??
صدك ترضى ويه غيرك اسهر الليل
وغير عيونك تباوع عليه
ترضى المستحه الي بعيني من الكاك شخص ثاني يشوفه بكل مسيه
وتذكر خوفي من اهلي گبل يافلان لمن تتصل شيصير بيه؟؟
اصعد فوك رأساً واقفل الباب واذا صعداو نفس مايبقى بيه
وحتى اخواني ماتسمع حبيبي الصوت اعوف
فراشي واختل بالزويه
جنت كل الاريده احجي وياك ونبقى ثنينه نسولف سويه
وجنت اتمنى منك حلقه واسوار وتجي لبيتنا
وبيدك هديه
وبلكت اهلي ينطوني الك وارتاح واظل وياك اعيشن للمنيه
وهسه شخص غيرك جوه بالهول واجه وياه سيد حلهه اليه
واهلي وافقوا وانطوني يافلان تجي تلحك علي لو هاي هيه؟؟
تجي تمسح دمعتي انتَ لولا ؟؟
لو منك اكولن ماكو جيه
تعال ..
تعال..
تعال شبيك اكلك جوه بالهول
والسيد بده يصيح عليه وبس انزل يكلي بي تقبلين
ومااكدر ارفضه شلون بيه
تعال ادخل عليهم واكسر الباب وكلهم
بتكم انخلقت اليه
ترى صوت الهلاهل گالب البيت وانه الطم على خدودي بأديه موكلتلي
يعمري اگلب الكون اذا واحد غريب ادنه اليه
هذا واحد غريب ادنه اليه؟؟
ترى صارت حبيبي وين الزماط
تعال الحك ولك عقدوا عليه
حبيبي...
حبيبي شلون لو يقفل عليه الباب
ويظل وياي يحجي بغير نيه ؟؟
اسولفلك بعد لو كافي لهنا
تدري انت شيريد مني بهل مسيه
يريد انطي كلشي الك جان
شعري والشفايف والبقيه
واذا ماارضى ياخذهن غصب يافلان
يربطني ويشك الثوب ال عليه
تعال ادخل عليهم واكسر الباب
وكلهم بتكم انخلقت بس اليه ...
هاي قصه وحده انخطبت لغير حبيبها
فه بهاي عاتبت حبيبها