Ako ang inyong BAIng manunulat
Na ang mithiin ay pagpamulat
Sa reyalidad na punong puno ng paghihirap
Ngunit tiyak na magtutulak na magsikap
Upang makipagsapalaran sa mundong ginagalawan
Na hindi malaman kung saan ang kinabibilangan

Nabuhay sa mundong punong puno ng kulay 
Ngunit nakulong sa kadilimang puno ng lumbay
Lapis at papel ang kaagapay 
Hanggang sa pagsilang ng bagong panatang mananalaytay
Sa puso't isip na tagapagsalaysay
Na magningning sa gitna ng madilim na paglalakbay
Sapagkat hindi tumigil na magpatunay
Sa tunguing maabot ang tugatog ng tagumpay

Ang MARIAng ito ay taas-noo na humaharap
Sa ngalan ng pangarap
Ako'y magsusulat 
Kahit ang kapalit ay muling pagbukas ng mga sugat
Dahil ang manunulat na ito 
Ang mag-papaabot ng pag-asa sa bawat manuskrito
At magbibigay liwanag mula sainyong madilim na mundo

Muli, ako ang inyong lingkod na Bai Maria lumalagda bilang manunulat upang maghatid ng kaalaman at pag-asa.