🕊️. .🕊️..🕊️.
. 
. 
. 
گوم...
دورلك جنح ماشايل احد...
جنح
طايح...
ومايدري من يا شنهي...طاح...!!!
گوم
دورلك عذر
طير اعلة كيف
طير فوگ الغيمة ذيچ
هناااك
بلكن تشهگ الله.... وتستراح....!!!
اصعد
شما بيك حيل
ولاتخاف
الخوف چذبة وراح.. تبرد
اصعد
اصعد...
شاور الله
گلة ذولاك اعلة بابك 
ساومونة
گالو بيوم اعلة بابك.... راح ينسد......!!!
اصعد
اصعد
واضحك هنااك اعلة حزنك
ابچي
غااااد سنين عمرك
ابچي
كلشي
ابچي حدما حيل تضحك
كلش اضحك
لاتخاف
الخوف دمعة وراح... تبرد...!!
گوم
سافر
طير بس كون اعلة كيف
داعب الـ نسمة.... اعلة كيف
ولاتفزز
كلشي نايم
لاتفزز
توة.... غافي
گوم دورلك... جنح ماشايل...
آحد..!!