Shahennda
دفعته هناء برفق، وهي تقول بوهن:
— ابعد شوية يا ياسين، مينفعش كده.
اقترب منها أكثر حتى التصقت صدورهما، وتحدث بمشاكسة وهو يهمس:
— أبعد ليه... بقولك وحشتيني، هو أنا موحشتكيش؟
ابتلعت هناء ريقها بصعوبة، وقالت بصوت مهزوز وهي تدفعه بضعف:
— يا سلام يا خويا... أنا لو وحشتك بصحيح كنت سألت عني، لكن إنت من آخر مرة رحت وقلت عدولي.
ابتسم ياسين بحب، ثم مال وقبّل مقدمة أنفها بخفة، وقال:
— والله وحشتيني، بس غصب عني والله... أنا مطحون في الشغل بقالي أسبوع، منمتش إلا كام ساعة بس... حقك عليا يا مبطبط، خلاص، هو فاضل حاجات بسيطة ومش هبعد عنك تاني.
ثم مرر يده على خصرها بخفة، ثم ضغط عليها بجرأة وقال:
— بقولك إيه... هو أنا موحشتكيش؟
ارتفعت أنفاس هناء، وظلت تنظر حولها بتوتر، ثم قالت بصوت هامس:
— لا، لا طبعًا، إزاي؟
ابتسم ياسين بمشاكسة وهو يقرّب شفتيه من شفتيها وقال :
— لا طبعًا وحشتك، ولا لا طبعًا موحشتكيش؟
نظرت هناء في عينيه بضعف، ثم همست أمام وجهه:
— ياسين، كفاية كده عشان خاطري... ابعد بقى.
مرر ياسين كفه على وجهها، وهو يهمس أمام شفتيها المرتجفتين:
— بحب أسمي من شفايفك أوي يا مبطبط... قوليها عشان أبعد وأسيبك.
نظرت له هناء بتيه إثر سيطرته الطاغية عليها، بعدما ابتلعت ريقها بصعوبة ثم همست :
— هي إيه دي؟
تحدث ياسين بنفس الهمس المشتعل:
— وحشتك ولا موحشتكيش؟
تاهت هناء تحت تأثير حضوره الطاغي، وهمست:
— وحشتني أوي يا ياسين.
ضغط ياسين على شفته السفلى بقوة، ثم همس برغبة:
— ده أنا اللي هموت عليكِ يا قلب ياسين.
ثم هبط على شفتيها يلتهمهما برغبة عارمة وشوق جارف... شعر ياسين بتخشب جسدها أسفل يده، فمرر كفه على خصرها وظهرها بحنان يزيل توترها، بينما كفه الآخر كان يقبض على مؤخرة عنقها يثبت رأسها ليتعمق في قبلته النهمة أكثر... ظل يقبلها بشغف حار حتى انقطعت أنفاسها بالكامل.
فصل القبلة ببطء، ثم أسند جبهته إلى جبهتها، بينما كانت أنفاسهما متسارعة... ثم همس ياسين أمام شفتيها وهو يمسح على ظهرها برقة:
— أنا مش قادر أستحمل أكتر من كده يا مبطبط... أخلص الشغل اللي معايا ومش هستحمل يوم كمان، وهاجي أخدك غصب عن عينهم كلهم.
https://www.wattpad.com/story/405913906?utm_source=android&utm_medium=whatsapp&utm_content=share_writing&wp_page=create&wp_uname=fatmataha22
